ઉત્તરપ્રદેશની એવી એક સીટ કે જ્યાં રામ નામ થાય છે સફળ. આ વિધાનસભા સીટ પર માત્ર છે રામ નામનો દબદબો
ઉત્તર પ્રદેશમાં વિધાનસભાની ચૂંટણી
બીકાપુર બેઠક પર રામનામનો દબદબો
આ બેઠક પર સૌથી વધુ જીતનારા છે રામ નામ ધરાવનાર
વિધાનસભાની ચૂંટણીને લઇને તડામાર તૈયારીઓ કરવામાં આવી રહી છે. ઇલેક્શનનો માહોલ છે તેમાં પણ ઉત્તર પ્રદેશમાં વિધાનસભાની ચૂંટણીને લઇને લોકોમાં અલગ જ ઉત્સાહ જોવા મળી રહ્યો છે. જો કે યુપીની ચૂંટણી યોજાય અને રામ મંદિરની વાત ન થાય તે બને જનહી. ભલે પછી તે રામ મંદિર નિર્માણ પહેલાની હોય કે પછીની યુપીની ચૂંટણી રામ નામ વિના અધૂરી જ છે. પરંતુ અહીં એક એવી વિધાનસભાની સીટ છે જ્યાં રામ નામનો એવો જાદૂ ચાલે છે કે આ સીટ પર આવીને મુખ્યમંત્રીથી લઇને પ્રધાનમંત્રી નતમસ્તક થઇ જાય છે.
આ સીટ પર રામ નામનો જાદૂ
ઉત્તર પ્રદેશની વિધાનસભાની ચૂંટણીમાં અયોધ્યા રામ મંદિરનો ઉલ્લેખ ન થાય તેવુ બને જ નહી. કારણ કે અયોધ્યાની એક એવી વિધાનસભાની સીટ છે જ્યાં રામ નામ વિના વિધાનસભાની ચૂંટણીની કલ્પના શક્ય નથી. આ સીટ છે બીકાપુર વિધાનસભા સીટ. આ સીટ પર એવા જ લોકોની જીત થઇ છે જેમના નામમાં રામ શબ્દ હોય. છેને ગજબનો સંયોગ. આ બીકાપુર વિઘાનસભા સીટ પર સૌથી વધુ રામ નામના ઉમેદવારોએ જીત મેળવી છે. 10 ધારાસભ્યો તો એવા છે જેમના નામમાં રામ શબ્દ આવેલો છે.
1974થી યથાવત છે આ સંયોગ
1974- કોંગ્રેસના સીતારામ નિષાદ ધારાસભ્ય તરીકે ચૂંટાયા હતા. બીકાપુર વિધાનસભા પર તેઓ કુલ 6 વખત ધારાસભ્ય તરીકે ચૂંટાયા.
શ્રી રામ દ્રિવેદી આ બેઠક પર ત્રણ વાર ધારાસભ્ય બન્યા
1993- 1993 ચૂંટણીમાં આ બેઠક પરથી સમાજવાદી પાર્ટીના ઉમેદવાર પરશુરામ રામ જીત્યા હતા.
1974 થી 2017 સુધીની વિધાનસભા ચૂંટણીની વાત કરીએ તો અત્યાર સુધીમાં અહીં રામ નામના ધારાસભ્યો 10 વખત જીત્યા.
2007 બાદ રામ નામ વગરના ધારાસભ્યોની જીત
રામના નામ વગરના ધારાસભ્યો 2007 પછી જ પ્રથમ વખત સફળ થયા હતા. 2007માં બસપાના જિતેન્દ્ર સિંહ બબલુ, 2012માં સપાના મિત્રસેન યાદવ, 2016માં સપાના આનંદસેન યાદવ અને 2017માં બીજેપીના શોભા સિંહ ચૌહાણ અહીં જીત્યા હતા. ત્યારે આ વર્ષે આ બેઠક પર 27 ફેબ્રુઆરીએ મતદાન થવાનું છે. ત્યારે જોવાનુ રહેશે કે બીકાપુર બેઠક પર રામ નામનો સંયોગ સર્જાશે કે નહી.