આમંત્રણ / રામ મંદિર ટ્રસ્ટે પ્રધાનમંત્રીને અયોધ્યા આવવાનું આમંત્રણ આપ્યું તો જુઓ PM મોદીએ શું કહ્યું

• રામ મંદિર ટ્રસ્ટના ટ્રસ્ટીઓએ પીએમ મોદી સાથે કરી મુલાકાત
• ટ્રસ્ટના સભ્યોએ પીએમ મોદીને અયોધ્યા આવવાનું આમંત્રણ આપ્યું
• રામ જન્મભૂમિ તીર્થ ક્ષેત્ર ટ્રસ્ટની પહેલી બેઠક બુધવારના રોજ યોજાઇ હતી

અયોધ્યામાં રામ મંદિર નિર્માણ માટે હાલમાં જ બનાવાયેલું શ્રી રામ જન્મભૂમિ તીર્થ ક્ષેત્ર ટ્રસ્ટની પહેલી બેઠક બુધવારના રોજ યોજાઇ હતી. 
 

ટ્રસ્ટના મહાસચિવ અને વિશ્વ હિંદુ પરિષદના નેતા ચંપત રાય તથા કોષાધ્યક્ષ સ્વામી ગોવિંદદેવ ગિરી પણ બેઠકમાં ઉપસ્થિત રહ્યાં હતા. આ મુલાકાત બાદ મહતં નૃત્ય ગોપાલ દાસે પત્રકારો સાથેની વાતચીતમાં કહ્યું કે અમે પ્રધાનમંત્રી નરેન્દ્ર મોદીને અયોધ્યા આવવા (ભૂમિપૂજન માટે) આમંત્રણ આપ્યું. જેના જવાબમાં પીએમ મોદીએ કહ્યું કે હું આ અંગે વિચાર કરીશ. 
 

તારીખ નક્કી નહીં

ટ્રસ્ટ દ્વારા ભૂમિપૂજનની તારીખ જો કે હજુ નક્કી કરવાની બાકી છે. પરંતુ આગામી મહીનામાં થાય તેવી શક્યતા છે. આ પછી ચંપત રાયે કહ્યું કે રામ મંદિરના ટ્રસ્ટીઓ પ્રધાનમંત્રી નરેન્દ્ર મોદીને મળ્યાં, આ એક સૌજન્ય મુલાકાત હતી. આ બધાની વચ્ચે VHP ના આંતરરાષ્ટ્રીય કાર્યકારી અધ્યક્ષ અલોક કુમારે કહ્યું કે રામનવીના અવસર પર 25 માર્ચથી 8 એપ્રિલ સુધી 'રામોત્સવ' મનાવામાં આવશે. 
 

Delhi: Ayodhya Ram Temple trust board members met Prime Minister Narendra Modi at 7 Lok Kalyan Marg, today. pic.twitter.com/aHjbYgbSn7

— ANI (@ANI) February 20, 2020

અધ્યક્ષ બનાવામાં આવ્યાં છે નૃત્ય ગોપાલદાસ

ટ્રસ્ટની દિલ્હીમાં બુધવારે મળેલી બેઠકમાં મહંત નૃત્ય ગોપાલદાસને રામ જન્મભૂમિ તીર્થ ક્ષેત્ર ટ્રસ્ટના 'અધ્યક્ષ પ્રબંધ' , વિશ્વ હિંદુ પરિષદના ચંપત રાયને મહાસચિવ અને નૃપેન્દ્ર મિશ્રાને ભવન નિર્માણ સમિતિના ચેરમેન બનાવામાં આવ્યાં છે. સ્વામી ગોવિંદદેવ ગિરી જીને કોષાધ્યક્ષ બનાવામાં આવ્યાં છે.