અયોધ્યા / 'પહેલા જ વરસાદમાં રામ મંદિરની છતમાંથી પાણી ટપકવાં લાગ્યું', મુખ્ય પૂજારીનો મોટો દાવો

રામ મંદિરના મુખ્ય પૂજારી આચાર્ય સત્યેન્દ્ર દાસે રામ મંદિર મોટું નિવેદન આપીને ચર્ચા જગાવી છે. આચાર્ય સત્યેન્દ્ર દાસે કહ્યું કે જ્યાં રામ લલ્લા બેઠેલા છે ત્યાં પહેલા જ વરસાદમાં છતમાંથી પાણી ટપકી રહ્યું છે જેની તપાસ થવી જોઈએ. જે ઠેકાણે રામ મંદિર બનાવવામાં આવ્યું છે તેમાંથી પાણી બહાર નીકળવાનો કોઈ રસ્તો નથી, તેના ઉપર પાણીમાં ચૂનો છે. આ સમસ્યા બહુ મોટી છે, પહેલા આ સમસ્યાનો ઉકેલ લાવવો જોઈએ.

2025 સુધીમાં નિર્માણ કાર્ય પૂર્ણ થશે ?​

સત્યેન્દ્ર દાસે કહ્યું કે મંદિરનું સંપૂર્ણ નિર્માણ કાર્ય 2025માં પૂર્ણ થઈ જશે તો તે સારી વાત છે, પરંતુ તે અશક્ય છે કારણ કે હજુ ઘણું નિર્માણ કરવાનું બાકી છે. જુલાઈ 2025 સુધીમાં કામ પૂર્ણ કરવું અશક્ય છે, પરંતુ જો એવું કહેવામાં આવી રહ્યું છે તો હું તેનો સ્વીકાર કરું છું.

વધુ વાંચો : જેપી નડ્ડા રાજ્યસભામાં બન્યાં ગૃહના નેતા, ત્રીજી મોટી જવાબદારી મળી, ઝીલશે વિપક્ષી વાર !

22 જાન્યુઆરીના દિવસે થઈ હતી પ્રાણ પ્રતિષ્ઠા

ઉલ્લેખનીય છે કે 22 જાન્યુઆરી 2024ના રોજ અયોધ્યામાં રામ લલ્લાના અભિષેકનો ભવ્ય કાર્યક્રમ યોજાયો હતો. જ્યારે રામ મંદિરના મુખ્ય પૂજારી કહે છે કે પહેલા જ વરસાદમાં છતમાંથી પાણી ટપકવા લાગ્યું છે ત્યારે એક વર્ષ પણ નથી થયું . તેમણે તપાસની માંગ પણ કરી છે.