નિધન / દેશના સૌથી મોંઘા વકીલ હતા રામ જેઠમલાણી, એક હિયરિંગની ફી જાણીને ચોંકી જશો

રામ જેઠમલાણી અટલ બિહારી વાજપેયીની સરકારમાં કેન્દ્રીય કાયદા મંત્રી અને શહેરી વિકાસ મંત્રી રહ્યા હતા. વર્ષ 2010માં તેમણી સુપ્રીમ કોર્ટ બાર એસોસિયેશનના અધ્યક્ષ તરીકે પસંદગી કરવામાં આવી. હાલમાં રામ જેઠમલાણી RJD ના રાજ્યસભા સાંસદ પણ હતા. એક વકીલ હોવાની સાથે તેમણે દેશના ઘણા બહુચર્ચિત કેસ લડ્યા, જેમાં ઘણા વિવાદિત હતા.  

દેશના સૌથી મોંઘા વકીલોમાંના એક

તમને વિશ્વાસ નહીં આવે પણ રામ જેઠમલાનીના કેસની એક હિયરિંગની ફી 25 લાખ રૂપિયા હતી. તેનો અર્થ એ છે કે એક વાર કોર્ટમાં આવવા માટે રામ જેઠમલાની લેતા હતા 25 લાખ રૂપિયા. તેમની એક ખાસિયત એ હતી કે રામ જેઠમલાની અમીર વ્યક્તિઓ પાસે પોતાની ફી લેવામાં ખચકાતા નહીં અને ગરીબ અને જરૂરિયાત વાળી વ્યક્તિને માટે તેઓ 'પ્રો બોનો' એટલે કે ફી વિના જ કેસ લડતા હતા. 

રામ જેઠમલાની દેશના સૌથી મોંધા વકીલોમાંના એક ગણવામાં આવતા. જેઠમલાની સુપ્રીમ કોર્ટના જાણીતા વકીલ અને રાજનીતિક વ્યક્તિ હતા. તેઓએ અનેક કેસ લડ્યા છે. 

લડી ચૂક્યા હતા આ વિવાદિત અને જાણીતા કેસ

• ઈન્દિરા ગાંધીના હત્યારાનો કેસ હોય કે આસારામના જામીન મેળવવાનો કેસ જેઠમલાની મોખરે રહેતા.
• અરવિંદ કેજરીવાલની વિરુદ્ધ ફાઈનાન્સ મિનિસ્ટર અરુણ જેટલી દ્વારા લગાવવામાં આવેલા સિવિલ અને અપરાધિક માનહાનિના કેસમાં પણ તેઓ સામેલ હતા. 
• દિલ્હીના મુખ્યમંત્રીનો કેસ વડવા માટે રામ જેઠમલાનીએ લગભગ 3.86 કરોડનું બિલ આપ્યું હતું. તેઓએ રિટેનર શીપ માટે 1 કરોડ અને કોર્ટમાં દરેક વખત હાજર રહેવા માટે 22 લાખ રૂપિયા ચાર્જ કર્યા હતા. 
• 2011માં જેઠમલાનીએ પૂર્વ પ્રધાનમંત્રી રાજીવ ગાંધીના હત્યારાઓનો કેસ મદ્રાસ હાઈકોર્ટમાં લડ્યો. 
• સ્ટોક માર્કેટ ગોટાળામાં તેઓએ હર્ષદ મહેતા અને કેતન પારેખનો કેસ લડ્યો હતો. 
• તેમનો સૌથી વિવાદિત કેસ અફઝલ ગુરુની ફાંસીનો બચાવ કરવાનો હતો. 
• જેસિકાલાલ હત્યાકાંડમાં પણ તેઓએ મનુ શર્માનો કેસ લડ્યો હતો.
• હવાલા સ્કેમમાં અનેક મોટા નેતાઓ અને અધિકારીઓ પર રૂપિયા લેવાનો આરોપ હતો. જેમાં બીજેપીના નેતા લાલ કૃષ્ણ અડવાણી પણ હતી. તેમનો કેસ પણ જેઠમલાનીએ લડ્યો.
• 900 કરોડના ચારા ગોટાળા મામલામાં ફસાયેલા લાલુ પ્રસાદ યાદવનો કેસ પણ તેઓ લડ્યા હતા.
• આવકથી વધારે સંપત્તિ રાખવાના કેસમાં  તમિલનાડુના પૂર્વ મુખ્યમંત્રી જયલલિતાના પણ વકીલ રહી ચૂક્યા હતા.
• ડીએમકે નેતા કરુણાનિધી અને તેમની દીકરી કનિમોઝીના બતાવમાં પણ તેઓએ કેસ લડ્યો હતો.
• કર્ણાટકના પૂર્વ મુખ્યમંત્રી બીએસ યેદિયુરપ્પા સહિત 12 આરોપીઓને પણ ન્યાય અપાવ્યો હતો. 
• કેએમ નાણાવટી કેસ ઘણો જાણીતો બન્યો હતો. આ કેસમાં  જેઠમલાનીએ તેમને જેલમાંથી બહાર લાવ્યા હતા.
• મુંબઈના અંડરવર્લ્ડ ડોન હાજી મસ્તાનને બચાવવા માટે જેઠમલાનીએ કેસ લડ્યો હતો. 
• સોહરાબુદ્દીન અને તુલસીરામ પ્રજાપતિના ફેક એન્કાઉન્ટરમાં ગુજરાતના ગૃહમંત્રી અને બીજેપીના રાષ્ટ્રિય અધ્યક્ષ અમિત શાહનો કેસ પણ તેઓ લડ્યા હતા.