રામ ગોપાલ વર્માનો એક વીડિયો થોડા દિવસથી ચર્ચામાં છે. આ વાયરલ ક્લિપમાં ડિરેક્ટર એક છોકરી સાથે આપત્તિજનક ડાન્સ કરતા દેખાઇ રહ્યાં છે. જેના કારણે લોકોએ રામને ખુબ ટ્રોલ કર્યો હતો.
રામ ગોપાલ વર્માનો આપત્તિજનક વીડિયો વાયરલ
અજીબ પ્રકારનો ડાન્સ કરી રહ્યો છે રામ ગોપાલ વર્મા
ડાન્સિંગ પાર્ટનર સાથે તસવીર પણ કરી હતી શૅર
સોશ્યલ મિડીયા પર વાયરલ વીડિયો
રામ ગોપાલ વર્માનો આ ડાન્સિંગ વીડિયો સોશ્યલ મિડીયા પર ખુબ વાયરલ થઇ રહ્યો છે અને તેના કારણે લોકો તેને ટ્રોલ પણ કરી રહ્યાં છે. રામે એક ટ્વિટ દ્વારા કહ્યું પણ હતું કે આ વીડિયોમાં તે નથી પરંતુ તે એક મજાક હતું. વીડિયોમાં દેખાઇ રહેલી છોકરીનું નામ ઇનાયા સુલ્તાન છે અને તેણે પોતે જ આ વીડિયો શૅર કરીને રામ ગોપાલ વર્માને ટેગ કર્યો છે.
— विवेक शर्मा (Vivek Sharma) (@MainVivekSharma) August 21, 2021
વીડિયો પર ટ્રોલ થયો રામ ગોપાલ
ફિલ્મમેકર રામ ગોપાલ વર્મા પોતાના ટ્વિટ્સ અને વિવાદીત નિવેદનોને લઇને હંમેશા ચર્ચામાં રહેતો હોય છે. આ વીડિયો માટે તેને ખુબ ક્રિટીસાઇઝ કરવામાં આવી રહ્યો છે. વાયરલ વીડિયોમાં તે ડાન્સ કરતો નજરે આવ્યો છે અને લોકો તેને ખુબ ટ્રોલ કરી રહ્યાં છે. તેણે આ વીડિયોમાં અજીબ રીતે ડાન્સ કર્યો છે અને તે યુવતીને દબોચતા પણ નજરે આવે છે.
ઇનાયાએ શૅર કર્યો વીડિયો
ટ્વિટર પર થોડા દિવસ પહેલા રામ ગોપાલ વર્માએ ટ્વિટ કરી હતી કે હું બાલાજી, ગણપતિ, જીસસ વગેરેની કસમ ખાઇને કહું છું કે વીડિયોમાં હું નથી પરંતુ તે બાદ જ્યારે ઇનાયાએ પોતે વીડિયો શૅર કર્યો ત્યારે આ વાત સત્ય સાબિત થઇ કે ક્લિપમાં દેખાઇ રહેલ શખ્સ રામ પોતે જ છે. તે સિવાય રામ ગોપાલ વર્માએ ઇનાયા સાથે તસવીર શૅર કરીને લખ્યું હતું કે આ મારી ડાન્સિંગ પાર્ટનર છે.