હાલ કોરોના વાયરસને કારણે સમગ્ર દેશમાં લોકડાઉન ચાલી રહ્યું છે. સરકારે પણ બધાંને ઘરમાં જ રહેવાની અપીલ કરી છે. ત્યારે દેશમાં કોરોનાના કેસની સંખ્યામાં સતત વધારો થઈ રહ્યો છે. લોકડાઉનને કારણે બોલિવૂડ ઈન્ડસ્ટ્રીનું શૂટિંગ પણ બંધ છે. ત્યારે અક્ષય કુમારે સોમવારે સોશિયલ ડિસ્ટન્સિંગનું ધ્યાન રાખીને શૂટિંગ શરૂ કર્યું છે. ત્યારે આ મહામારીમાં ડિરેક્ટર રામ ગોપાલ વર્મા પણ એક ફિલ્મનું શૂટિંગ કરી રહ્યાં છે. આ ફિલ્મનું નામ 'કોરોના વાયરસ' છે અને તેમણે આ ફિલ્મનું ટ્રેલર પણ રિલીઝ કરી દીધું છે.
આ બોલિવૂડ ડિરેક્ટરે કોરોના પર બનાવી ફિલ્મ
આ ફિલ્મ લોકડાઉનમાં જ શૂટ કરવામાં આવી છે
ફિલ્મનું ટ્રેલર લોન્ચ થઈ ગયું છે
ત્યારે લોકડાઉનના આ સમયમાં બધાં જ પોતપોતાની ક્રિએટિવિટી બતાવી રહ્યાં છે. એવામાં ડિરેક્ટર રામગોપાલ વર્મા કોવિડ-19 પર તેમની પહેલી ફિલ્મ રિલીઝ કરવા માટે તૈયાર છે. ડિરેક્ટરે પોતાના ટ્વિટર હેન્ડલ પર ફિલ્મનું ટ્રેલર રિલીઝ કરતાં લખ્યું- આ રહ્યું કોરોના વાયરસ ફિલ્મનું ટ્રેલર. આ ફિલ્મ લોકડાઉનમાં જ શૂટ કરવામાં આવી છે. હું સાબિત કરવા માંગતો હતો કે, કોઈ તમારું કામ રોકી ન શકે. ના ભગવાન કે ના કોરોના. આ એક તેલુગૂ ફિલ્મ છે.
Here is the CORONAVIRUS film trailer..The story is set in a LOCKDOWN and it has been SHOT during LOCKDOWN ..Wanted to prove no one can stop our work whether it’s GOD or CORONA @shreyasethttps://t.co/fun1Ed36Sn
ફિલ્મના ટ્રેલરમાં એક પરિવારની કહાની દેખાડવામાં આવી છે. ટ્રેલરમાં બતાવ્યું છે કે, ન્યૂઝથી લઈને સોશિયલ મીડિયા સુધી બધે જ કોરોનાનો ખોફ છે. ફિલ્મમાં ટ્વિસ્ટ ત્યારે આવે છે જ્યારે ઘરમાં જ એક યુવતીને ખાંસી આવવા લાગે છે. ત્યારબાદ પરિવાર ચિંતામાં પડી જાય છે. એ યુવતીનું કોરોના ટેસ્ટ કરાવવું જોઈએ કે નહીં. ડર અને કન્ફ્યૂઝન સાથે ફિલ્મની કહાની આગળ વધે છે. ફિલ્મના ટ્રેલરને જોઈને અંદાજો લગાવી શકાય છે કે, રામગોપાલ વર્માએ એક હોરર ફિલ્મ બનાવી છે. ફિલ્મમાં રામગોપાલની ટ્રેડમાર્ક સ્ટાઈલ જોઈ શકાય છે. ફિલ્મમાં શ્રીકાંત લીડ રોલમાં છે અને આ ફિલ્મને સીએમ ક્રિએશન્સએ પ્રોડ્યૂસ કરી છે.
તમને જણાવી દઈએ કે, રામગોપાલ વર્મા અત્યારે તેમની ફિલ્મના ક્લાઈમેક્સને લઈને પણ ચર્ચામાં છે. આ ફિલ્મમાં અમેરિકન એડલ્ટ સ્ટાર મિયા માલકોવા કામ કરી રહી છે. આ પહેલાં મિયા ગોડ, સોક્સ એન્ડ ટ્રૂથ નામની એક ડોક્યૂમેન્ટ્રીમાં રામગોપાલ વર્મા સાથે કામ કરી ચૂકી છે.