બેબાક નિવેદન / RRR સર્કસ છે, KGF2 બેકાર, કાશ્મીર ફાઇલ્સ તો હદથી સ્લો', રામ ગોપાલ વર્માનું નિવેદન

• ડાયરેક્ટર-પ્રોડ્યુસર રામ ગોપાલ વર્માનો દાવો
• કેજીએફ 2 બોલીવુડમાં કોઈને પસંદ આવી નથી
• રાજામૌલીની RRRની તુલના પણ સર્કસ સાથે કરી

કેજીએફ 2 બોલીવુડમાં કોઈને પસંદ ના આવી: રામ ગોપાલ વર્મા

ડાયરેક્ટર-પ્રોડ્યુસર રામ ગોપાલ વર્મા પોતાાના બેબાક નિવેદનો માટે જાણીતા છે. પરંતુ હવે તેમણે એવુ કહી દીધુ છે કે જે સાઉથ સુપરસ્ટાર યશના પ્રશંસકોને ખૂબ માઠુ લાગ્યુ છે. રામ ગોપાલ વર્માનુ કહેવુ છે કે જે કેજીએફ 2 એ બોક્સ ઑફિસ પર રેકોર્ડબ્રેક કમાણી કરી તેને બોલીવુડમાં કોઈએ પસંદ ના કરી. તેમનુ કહેવુ છે કે એક જાણીતા ફિલ્મમેકરે તેમને કહ્યું કે પાંચ વખત પ્રયાસ કર્યા બાદ આ ફિલ્મ અડધા કલાકથી વધુ કોઈ સહન કરી શકતુ ન હતુ. એટલું જ નહીં, કંપની જેવી દમદાર ફિલ્મના ડાયરેક્ટર રામ ગોપાલ વર્માએ એવુ પણ કહ્યું છે કે કેજીએફ 2 અને ધ કાશ્મીર ફાઈલ્સ બે એવી ફિલ્મો છે, જેણે બધુ બરબાદ કરી નાખ્યું. તેમણે કહ્યું, કા્શ્મીર ફાઈલ્સ ખૂબ સ્લો ફિલ્મ છે. તેને એક એવા ડાયરેક્ટરે બનાવી છે, જેને બોલીવુડે ક્યારેય સીરિયસ લીધુ નથી. તેમ છતા આ ફિલ્મે 250 કરોડ રૂપિયાની કમાણી કરી.  

વિવેક અગ્નિહોત્રીને કોઈએ ગંભીરતાથી લીધો નથી 

રામ ગોપાલ વર્મા આની પહેલા પણ The Kashmir Files ના વખાણ કરી ચૂક્યા છે. તેમણે એક વખત ફરીથી ઈન્ટરવ્યુમાં વિવેક અગ્નિહોત્રીના ડાયરેક્શનનો ઉલ્લેખ કરતા કહ્યું, ધ કાશ્મીર ફાઈલ્સ પણ કમ નથી. આ એક એવા ડાયરેક્ટરે બનાવી, જેને બોલીવુડે ક્યારેય ગંભીરતાથી લીધુ નથી. 

મેં રાજામૌલીને કહ્યું કે RRR સર્કસની જેમ છે

જ્યારે ઈન્ટરવ્યુમાં રામ ગોપાલ વર્માને આરઆરઆરને લઇને સવાલ કરવામાં આવ્યો તો તેમણે કહ્યું, મેં એસએસ રાજામૌલીને એવુ જણાવ્યું હતુ કે મારા માટે આરઆરઆર એક સર્કસની જેમ છે. મારો અર્થ એ નથી કે આ ખરાબ ફિલ્મ છે. સર્કસ સામાન્ય રીતે આપણને જોકરોની યાદ અપાવે છે. પરંતુ હકીકત તો એ છે કે સર્કસમાં ઘણુ બધુ થાય છે. આરઆરઆરમાં જ્યા રામ ચરણ અને જુનિયર એનટીઆર એક યુવકને બચાવે છે, તે મને સર્કસની યાદ અપાવે છે.