બોલિવુડ અને સાઉથની એક્ટ્રેસ તમન્ના ભાટિયાની ફિલ્મ ‘સે રા નરસિમ્હા રેડ્ડી’ તાજેતરમાં રિલીથ થઇ ચૂકી છે. ઓડિયન્સને ફિલ્મ પસંદ આવી રહી છે. આ ફિલ્મમાં સાઉથના સુપરસ્ટાર ચિંરજીવી અને બોલિવુડ મહાનાયક અમિતાભ બચ્ચન લીડ રોલમાં જોવા મળશે. આ વચ્ચે એક્ટર રામચરણની પત્નીએ તમન્ના ભાટિયાની એક્ટિંગથી પ્રભાવિત થઇને કિંમતી ભેટ આપી છે.
‘સે રા નરસિમ્હા રેડ્ડી’ માં જોવા મળી તમન્ના ભાટિયા
એક્ટ્રેસને મળી સૌથી મોંઘી ગિફ્ટ
સોશ્યલ મીડિયા પર એક્ટ્રેસનો ફોટો વાયરલ
રામચરણની પત્ની ઉપાસનાએ તમન્ના ભાટિયાને દુનિયાનો પાંચમો સૌથી મોંઘો હીરો ભેટમાં આપ્યો છે. ઉપાસના કામિનેનીએ સોશ્યલ મીડિયા પર તમન્ના ભાટિયાની કિંમતી હીરાની સાથે ફોટો પોસ્ટ કરી છે અને ભેટ વિશે જણાવ્યુ છે. આ ફોટોમાં તમન્ના પોતાના હાથની આંગળીઓ પર હીરો બતાવી રહી છે.
તમન્નાની આ ફોટો પોસ્ટ કરતા ઉપાસનાએ લખ્યુ કે, ''એક ભેટ સુપર તમન્ના ભાટિયા માટે શ્રીમતી નિર્માતા તરફથી, તમને યાદ કરી રહી છું.'' ઉપાસનાની આ ટ્વીટ પર ફેન્સ અને સોશ્યલ મીડિયા યૂઝર્સ પોતાની પ્રતિક્રિયા આપી રહ્યા છે. એક મીડિયા રિપોર્ટ અનુસાર, ઉપસનાએ આપેલા તમન્ના ભાટિયાને હીરાની કિંમત લગભગ 2 કરોડની આસપાસ છે.
વાત કરવામાં આવે તમન્ના ભાટિયાની ફિલ્મ ‘સે રા નરસિમ્હા રેડ્ડી’ની તો ફિલ્મમાં તમન્ના સિવાય અમિતાભ બચ્ચન, ચિરંજીવી સિવાય વિજય સેતુપતિ જેવા સ્ટાર્સ છે. ફિલ્મમાં હીરો ચિરંજીવી આંધ્ર પ્રદેશના સ્વતંત્રતા સૈનાની ઉયાલવાડા નરસિમ્હા રેડ્ડીની ભૂમિકા છે. અમિતાભ બચ્ચન આ ફિલ્મમાં તેમના ગુરુ અને આધ્યાત્મિક નેતા ગોસાઇ વેંકન્નાની છે. જ્યારે તમન્ના ભાટિયાના કેરેક્ટરનું નામ લક્ષ્મી છે.