ફિલ્મ જગત / રામ ચરણે વીર સાવરકર પરની આગામી ફિલ્મની કરી જાહેરાત,'ધ ઈન્ડિયા હાઉસ'માં અનુપમ ખેર ભજવશે મહત્વની ભૂમિકા

• વીર સાવરકર પર બે મોટી ફિલ્મોની જાહેરાત કરવામાં આવી
• સાઉથના સુપરસ્ટાર રામ ચરણે પણ બિગ બેંગ ફિલ્મની તૈયારી કરી
• વીર સાવરકર ગરુની જન્મજયંતિના અવસર પર ધ ઈન્ડિયા હાઉસ' ની જાહેરાત

ભારતના સ્વાતંત્ર્ય સંગ્રામમાં ક્રાંતિકારી વીર સાવરકરનું નામ આ દિવસોમાં ખૂબ ચર્ચામાં છે. તાજેતરમાં વીર સાવરકરની 140મી જન્મજયંતિની ઉજવણી કરવામાં આવી હતી. આ સાથે એક નહીં પરંતુ બે મોટી ફિલ્મોની પણ જાહેરાત કરવામાં આવી હતી. અભિનેતા રણદીપ હુડ્ડા ટૂંક સમયમાં વીર સાવરકરની બાયોપિક સાથે મોટા પડદા પર આવી રહ્યો છે. તો બીજી તરફ સાઉથના સુપરસ્ટાર રામ ચરણે પણ બિગ બેંગ ફિલ્મની તૈયારી કરી લીધી છે. ફિલ્મનું નામ છે 'ઈન્ડિયા હાઉસ', જેની વાર્તા વીર સાવરકર વિના પૂર્ણ થઈ શકે તેમ નથી.

RRR સ્ટાર રામ ચરણે તાજેતરમાં તેલુગુ સ્ટાર નિખિલ સિદ્ધાર્થની આગામી ફિલ્મની મેગા જાહેરાત કરી હતી . આ સાથે 'કાર્તિકેય 2'સ્ટાર નિખિલ સિદ્ધાર્થ તેની આગામી ફિલ્મ સાથે દર્શકો સુધી પહોંચવા માટે તૈયાર છે. આટલું જ નહીં, કાર્તિકેય 2 સ્ટાર નિખિલ સિદ્ધાર્થે ફરી એકવાર બોલિવૂડ સ્ટાર અનુપમ ખેર સાથે તેની આગામી ફિલ્મ માટે હાથ મિલાવ્યા છે. ફિલ્મનું ટીઝર શેર કરતાં અભિનેતાએ લખ્યું, 'આપણા મહાન સ્વાતંત્ર્ય સેનાની વીર સાવરકર ગરુની 140મી જન્મજયંતિના અવસર પર, અમે અમારી આગામી પાન ઈન્ડિયા રિલીઝ ફિલ્મ 'ધ ઈન્ડિયા હાઉસ' ની જાહેરાત કરીએ છીએ. જેને નિખિલ સિદ્ધાર્થ અને અનુપમ ખેર સાથે ડાયરેક્ટર રામ વંશી કૃષ્ણ બનાવી રહ્યા છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Nikhil Siddhartha (@actor_nikhil)

ધ ઈન્ડિયા હાઉસની મેગા જાહેરાત
જણાવી દઈએ કે આગલા દિવસે સુપરસ્ટાર રામ ચરણે ચાહકોને તેની આગામી ફિલ્મ વિશે સંકેત આપ્યો હતો. હવે અભિનેતાએ આ ફિલ્મની જાહેરાત કરી છે. આ ફિલ્મને રામ ચરણ જ પ્રસ્તુત કરી રહ્યા છે. ફિલ્મનો લીડ સ્ટાર નિખિલ સિદ્ધાર્થ છે. તેની સાથે અનુપમ ખેર પણ મહત્વની ભૂમિકામાં જોવા મળશે. જ્યારે, રામ વંશી કૃષ્ણ ફિલ્મના નિર્દેશનની જવાબદારી સંભાળે છે. આ ફિલ્મ અભિષેક અગ્રવાલ આર્ટસ અને વી મેગા પિક્ચર્સ દ્વારા સંયુક્ત રીતે પ્રોડ્યુસ કરવામાં આવી છે. 

કાર્તિકેય 2 પછી નિખિલ સિદ્ધાર્થ પરત ફરશે
ટોલીવુડ સ્ટાર નિખિલ સિદ્ધાર્થની ફિલ્મ કાર્તિકેય 2 ઘણી હિટ રહી હતી. આ ફિલ્મને હિન્દી દર્શકોનો પણ સારો પ્રતિસાદ મળ્યો હતો. આ પછી નિખિલ સિદ્ધાર્થ પણ 18 પેજમાં જોવા મળ્યો હતો. તેની ફિલ્મ પણ હિટ રહી હતી. હવે ફરી એકવાર નિખિલ સિદ્ધાર્થ સમગ્ર ભારતના દર્શકોનું મનોરંજન કરવા માટે તૈયાર છે.