કોડીનારના જંત્રાખડી ગામે દુષ્કર્મ બાદ બાળકીની કરાયેલી હત્યા મામલે આરોપીને ફાંસીની સજા આપોની માંગ સાથે વિશાળ રેલી યોજાઇ હતી
કોડીનારના જંત્રાખડી ગામે લોકોનો આક્રોશ
9 વર્ષની બાળકી સાથે દુષ્કર્મ બાદ કરી હતી હત્યા
આરોપીને ફાંસીની સજાની માગ સાથે યોજાઇ રેલી
કોડીનારના જંત્રાખડી ગામે 4 દિવસ પહેલા 9 વર્ષની બાળકી સાથે દુષ્કર્મ બાદ તેની હત્યા નિપજાવવામાં આવી હતી.જે મામલે લોકોમાં ભરેલા અગ્નિ જેવો માહોલ છે. ત્યારે આજે સમગ્ર મામલે કોડીનાર શહેરના સોમનાથ મંદિરથી સર્વે સમાજ દ્વારા રેલી યોજાઇ હતી. જે રેલીમાં મોટી સંખ્યામાં લોકો જોડાયા હતા તો મહિલાઓ પણ જોડાય હતી અને ગ્રામ્ય વિસ્તારના લોકોએ પણ હાજરી આપી હતી. આ રેલીનો હેતુ આરોપીને તત્કાલ ધોરણે ફાંસીના માંચડે ચડાવવા આવે તેવી માંગ કરાઇ હતી.
ગીર સોમનાથ જિલ્લા ભાજપ પ્રમુખ પણ રેલીમાં જોડાયા
કોડીનાર શહેર અને ગ્રામ્ય વિસ્તારોના લોકોની સાથે આ રેલીમાં ગીર સોમનાથ જિલ્લા ભાજપ પ્રમુખ પણ જોડાયા હતા. અને રેપ વિથ મર્ડર મામલે જિલ્લા ભાજપ પ્રમુખ માનસિંહ પરમારે પીડિત પરિવારને મળી સાંતત્વના સાથે કડક કાર્યવાહીની ખાતરી આપી હતી. તેમજ આ કેસ કઈ રીતે તપાસ થઈ રહી છે અને કેવી તપાસ થશે તે સમગ્ર મામલે પીડિત પરિવારને સમજ આપી હતી. ઉલ્લેખનીય છે કે ઘટનાના અમુક કલાકમાં જ આરોપીને પોલીસે દબોચી લીધો હતો. કોર્ટએ આરોપીના 6 દીવસના રિમાન્ડ મંજૂર કર્યા છે. તેમજ આ કેસમાં sit ની રચના કરાય છે. પરંતુ આ કેસ ફાસ્ટ્રેક કોર્ટમાં ચલાવવાની પણ ખાત્રી આપવામાં આવી હતી.
શુ હતી સમગ્ર ઘટના ?
આશરે ચારેક દિવસ અગાઉ ગીર સોમનાથ જિલ્લાના જંત્રાખડી ગામના આઠ વર્ષની માસૂમ બાળકી ઘરે એકલી હતી. જેને પાડોશીએ દુકાને વસ્તુ લેવા મોકલી હતી. જે જઈ રહી હતી ત્યારે રસ્તામાં આરોપી આરોપી શામજી ભીમા સોલંકીએ પણ આ દિકરીને રૂપીયા આપી બીડી મંગાવી હતી. જે બીડી લઈ આવેલી દીકરી બીડી દેવા આરોપીનાઆ ઘરે ગઈ ત્યારે આરોપી શામજી ઘરે એકલો હતો. જેનો લાભ લઈ તેને બાળકીને અંદર ખેંચી લીધી હતી. આરોપીના આ કૃત્યથી બાળકી હેબતાઈ જઇ બૂમો પડતાં તેના મોઢે ડુમો દઈ આરોપી શામજીએ વાસના ભૂખ્યા વરુની જેમ બાળકીને પીંખી નાખી હતી. નરાધમ શખ્સે માસુમ ઉપર દુષ્કર્મ આચર્યા બાદ પોતાનું કૃત્ય સંતાડવા ઠંડા કલેજે ફૂલ જેવી બાળકીની હત્યા નિપજાવી હતી. એટલું જ નહી રાક્ષસી વૃતિ દાખવી દયાહિન શખ્સે માસુમના મૃતદેહને કોથળામાં ભરી ગામના 66 કે.વી.ની સામે ફેંકી દીધો હતો. અને જાણે કઈ થયું જ ન હોય તેમ ઘરે આવી સુઇ ગયો હતો.