ઇન્વેસ્ટિગેશન / રેલો પહોંચ્યો મુંબઈથી દિલ્હી, NCBના રડાર પર છે 25 સેલેબ્સ, અસ્થાનાને મળશે તપાસ અધિકારી

• સુશાંત કેસમાં ડ્રગ્સ તપાસ માટે NCB એ ડોઝિયર તૈયાર કર્યું
• નાયબ નિયામક NCB ચીફને મળવા દિલ્હી પહોંચ્યા
• આગળ તપાસ માટેની રણનીતિ બનાવવામાં આવશે

સુશાંત કેસમાં  ડ્રગ એંગલની તપાસ કરી રહેલ નાર્કોટિક્સ કંટ્રોલ બ્યુરો (NCB) હવે મોટી માછલીઓને પકડવાની તૈયારી કરી રહી છે. આ કેસમાં તેમના હાથમાં અમુક સેલેબ્સના નામ આવ્યા છે જેઓ બૉલીવુડથી સંબંધિત હોય શકે છે, NCB હવે તેમના ફરતે ગાળિયો મજબૂત કરવાની વેતરણમાં દેખાઈ રહી છે. 

NCB ચીફ રાકેશ અસ્થાનાને મળશે ડેપ્યુટી ડાયરેક્ટર 

NCB ના દિલ્હી ઝોનના ડેપ્યુટી ડિરેક્ટર કેપીએસ મલ્હોત્રા આજે મુંબઇથી દિલ્હી પહોંચ્યા છે. તે NCB ચીફ રાકેશ અસ્થાનાને મળશે. સૂત્રોના જણાવ્યા અનુસાર રિયાની પૂછપરછમાં કેટલાક મોટા નામ સામે આવ્યા છે. NCB એ ડોઝીયર પણ બનાવ્યું હતું, જેના પર એક બેઠક યોજાશે. આગળ વધુ તપાસની રણનીતિ પણ તેમાં નક્કી કરવામાં આવશે.

NCB ના ડોઝિયરમાં છે 25 સેલેબ્સના નામ 

એવું કહેવામાં આવી રહ્યું છે કે NCB ના ડોઝિયરમાં બોલિવૂડના લગભગ 25 હસ્તીઓના નામ છે, જે નામો રિયા ચક્રવર્તી દ્વારા મળી આવેલા ઇલેક્ટ્રોનિક ડિવાઇસમાંથી બહાર આવ્યા છે, NCB ના આ ડોસિઅરમાં કાર્ટેલ એ, કાર્ટેલ બી, સીના ભાગમાં આ બોલિવૂડ હસ્તીઓના નામ સામે આવ્યા છે.

ડ્રગ્સ પેડલર્સ પાસેથી કબજે કર્યા હતા ઇલેક્ટ્રોનિક ડિવાઇસ 

જો સૂત્રોની વાત સાચી માનીએ તો, NCB એ ડ્રગ્સ પેડલર્સ પાસેથી ઇલેક્ટ્રોનિક ડિવાઇસ કબજે કર્યા હતા, જેમાંથી ઘણા બોલિવૂડ કનેક્શનો બહાર આવ્યા છે. આ પછી જ, NCB ની એસઆઇટી ટીમે ડોઝિયર તૈયાર કર્યું છે. હવે NCB દ્વારા ટૂંક સમયમાં આ તમામને સમન્સ મોકલવામાં આવશે અને પૂછપરછ માટે બોલાવાશે.

આટલું જ નહીં, રિયા ચક્રવર્તીએ NCB ની સામે પોતાના નિવેદનમાં કહ્યું છે કે સુશાંતની ફિલ્મ્સના સેટ પર પણ ડ્રગ્સનો ઉપયોગ થતો હતો. અને સાથે જ રિયા ચક્રવર્તીએ એવી પાર્ટીઓના નામ પણ આપ્યા છે કે જેમાં ડ્રગ્સનો ઉપયોગ થતો હતો. હકીકતમાં, NCB સતત રિયાને તેની સૂચિત ડ્રગ્સ નેક્સસમાં તેની ભૂમિકા અને ફિલ્મ ઉદ્યોગના વિવિધ લોકો વિશે સતત પૂછપરછ કરી રહી હતી જે બાદ તેને આ માહિતી જાણવા મળી છે.