મીડિયા રિપોર્ટ રિપોર્ટ્સ અનુસાર રકુલ પ્રીત સિંહ જલ્દી સાત ફેરા લેશે અને બંનેના પરિવારે લગ્નની તૈયારીઓ શરૂ કરવાનો નિર્ણય લઈ લીધો છે.
રકુલ પ્રીત સિંહ પણ સાત ફેરા લેવાની તૈયારી કરી રહી છે
બંને છેલ્લા ઘણા સમયથી એકબીજાના પ્રેમમાં છે
બંનેના પરિવારે લગ્નની તૈયારીઓ શરૂ કરવાનો નિર્ણય લઈ લીધો છે
છેલ્લા થોડા સમયથી બોલિવૂડ ઈન્ડસ્ટ્રીમાં ફરી એકવાર લગ્નનો યુગ ચાલી રહ્યો છે એ આપણે બધા જાણીએ જ છીએ. હાલ જ એવા સમાચાર આવ્યા હતા કે કિયારા અડવાણી અને સિદ્ધાર્થ મલ્હોત્રા લગ્ન કરવા જઈ રહ્યા છે અને આ વાત પર લોકો હજુ વિચાર કરે એવામાં બૉલીવુડના બીજા કપલના લગ્ન સાથે જોડાયેલી માહિતી સામે આવી છે. એક મીડિયા રિપોર્ટ રિપોર્ટ્સ અનુસાર રકુલ પ્રીત સિંહ પણ સાત ફેરા લેવાની તૈયારી કરી રહી છે.
જાણવા મળ્યું છે કે રકુલ પ્રીત સિંહ તેના બોયફ્રેન્ડ જેકી ભગનાનીની સાથે લગ્ન કરવા જઈ હી છે. બંને છેલ્લા ઘણા સમયથી એકબીજાના પ્રેમમાં છે અને બંને તેના આ સંબંધોને હવે આગલા સ્તર પર લઈ જવા માંગે છે. જો કે રિપોર્ટમાં એમ ખુલાસો થયો છે કે બંનેના લગ્ન 2023માં થશે એ વાત નિશ્ચિત છે. તમને જણાવી દઈએ કે બંને છેલ્લા ઘણા સમયથી રિલેશનશિપમાં છે અને લોકો સામે ઘણી વખત એકબીજા સાથે દેખાય પણ છે.
ક્યારે અને કેવી રીતે કરશે લગ્ન
રિપોર્ટ્સની માનીએ તો બંનેના લગ્ન 2023માં થશે એ નક્કી છે પણ તારીખ અને મહિનો હજુ નક્કી થયો નથી. પણ એ જલ્દી જ નક્કી થશે અને બંનેના પરિવારે લગ્નની તૈયારીઓ શરૂ કરવાનો નિર્ણય લઈ લીધો છે. જેકીના પિતા પ્રોડ્યુસર વાસુ ભગનાની એક ખૂબ મોટા વ્યક્તિ છે અને એ તેમની બિગ બજેટ ફિલ્મો માટે જાણીતા છે. હાલ એવા સમાચાર મળ્યા છે કે તે પોતાના પુત્રના લગ્ન પણ ખૂબ શાનદાર રીતે કરશે. બીજી બાજુ રકુલના ભાઈએ પણ તેની બહેનના લગ્ન પર પ્રતિક્રિયા આપી છે.
તેને કહ્યું હતું કે, 'રકુલે જેકી ભગનાનીના ઘણા પ્રોજેક્ટ્સમાં કામ કર્યું છે. લગ્ન નક્કી છે, પરંતુ હજુ સુધી કોઈ તારીખ નક્કી કરવામાં આવી નથી. જ્યારે પણ નક્કી કરશે ત્યારે સામેથી જાહેરાત કરી દેવામાં આવશે. જેકી ભારતીય સિનેમાના ટોચના નિર્માતાઓમાંના એક છે અને એમની પાસે હાલ ઘણા પ્રોજેક્ટ્સ છે અને બંને હાલ પોતપોતાના કામમાં ખૂબ જ વ્યસ્ત છે.'