બોલિવૂડ એક્ટ્રેસ રકુલ પ્રીત સિંહ પણ લોકડાઉનને કારણે ઘરમાં જ સમય પસાર કરી રહી છે. ત્યારે હાલમાં જ તેણે સોશિયલ મીડિયા પર એક એવો વીડિયો શેર કર્યો છે જેમાં તે દિવાલ પર ઊંધા માથે લટકીને એટલે કે ફોરવર્ડ ફોલ્ડ અગેંસ્ટ વૉલની પોઝિશનમાં કપડાં પહેરી રહી છે. તેનો આ વીડિયો સોશિયલ મીડિયા પર ખૂબ વાયરલ થઈ રહ્યો છે.
લોકડાઉનમાં સેલેબ્સ સોશિયલ મીડિયા પર વધુ એક્ટિવ થયા
રકુલ પ્રીતે આ વીડિયો શેર કરીને કેપ્શનમાં લખ્યું- સામાન્ય સ્ટાઈલમાં કપડાં પહેરીને બોર થઈ રહી હતી. તો આ રહ્યો તમારા માટે પણ નવો ટાસ્ક, આને ઘરે કરો. આ રીતે રકુલ પ્રીતે લોકોને આ રીતે કરવાનો ચેલેન્જ પણ આપ્યો. રકુલ અત્યારે સોશિયલ મીડિયા પર ખૂબ એક્ટિવ રહે છે. ફિલ્મોની સાથે તે ફેન્સને સોશિયલ મીડિયા પર પણ અલગ-અલગ રીતે એન્ટરટેઈન કરતી રહે છે. તેના આ વીડિયોને 2 લાખ લોકો જોઈ ચૂક્યા છે અને ફેન્સને તેનો આ અંદાજ ખૂબ જ પસંદ આવી રહ્યો છે.
તમને જણાવી દઈએ કે રકુલે તેના કરિયકની શરૂઆત કન્નડ ફિલ્મ ગિલ્લીથી કરી હતી. ત્યારબાદ રકુલે ઘણી તેલુગુ અને તમિલ ફિલ્મોમાં પણ કામ કર્યું. જોકે, તેણે બોલિવૂડમાં 2014માં યારિયાં ફિલ્મથી ડેબ્યૂ કર્યું હતું. જે બાદ રકુલે અય્યારી અને દે દે પ્યાર દે જેવી ફિલ્મોમાં કામ કર્યું. આ સિવાય રકુલ સિદ્ધાર્થ મલ્હોત્રાની ફિલ્મ મરજાવાંમાં પણ જોવા મળી હતી. આગામી દિવસોમાં પણ તે ફિલ્મોમાં જોવા મળશે.