રક્ષાબંધન એટલે ભાઈ અને બહેનના તહેવારનો પવિત્ર પર્વ. આ દિવસે બહેન પોતાના ભાઈની રક્ષા માટે રક્ષા કવચરૂપે રાખડી બાંધતી હોય છે. ત્યારે ગુજરાતના પણ લોકગાયકો, લોકગાયિકાઓ, નેતાઓ અને અન્ય જાણીતા લોકોએ રક્ષાબંધનની ઉજવણી કરી હતી. જુઓ તસવીરો...
કોરોના કાળમાં કલાકારોએ રક્ષાબંધનની કરી ઉજવણી
ભાઇ-બહેનના પાવન પ્રેમના પર્વ રક્ષાબંધનની ઉજવણી
સેલિબ્રિટીસ દ્વારા રક્ષાબંધનની અનોખી ઉજવણી
કોરોના સંકટમાં સમગ્ર દેશમાં રક્ષાબંધનની સાદગીથી ઉજવણી થઇ રહી છે. ત્યારે લોકગાયિકા ગીતા રબારી, કિંજલ દવે, રાજલ બારોટ, ભૂમિ પંચાલ, પૂનમ ગોંડલીયા, સાંઇરામ દવે, કિર્તિદાન ગઢવી અને હેમંત ચૌહાણ સહિત અનેક જાણીતા કલાકારોએ રક્ષાબંધનની ઉજવણી કરી હતી. તો મુખ્યમંત્રી અને રાજકિય નેતાઓ હાર્દિક પટેલ, અલ્પેશ ઠાકોર, વાસણ આહિર, અમિત ચાવડા, પરેશ ધાનાણી સહિતના નેતાઓએ પણ રક્ષાબંધનની ઉજવણી કરી હતી.
કિંજલ દવે અને ગીતા રબારીએ મનાવી રક્ષાબંધન
રક્ષાના પર્વમાં લોકગાયિકા ગીતાબેન રબારી દ્વારા સુરક્ષા જવાનોને રાખડી બાંધવામાં આવી હતી. તો સ્વામી વિવેકાનંદ યુવા બોર્ડ મારફતે પણ કચ્છની બહેનો દ્વારા સુરક્ષા જવાનોને રાખડી બાંધવામાં આવી હતી. કચ્છની સરહદે ફરજ બજાવતા સુરક્ષા જવાનો પરિવારની ચિંતા કર્યા વિના દેશપ્રેમની ફરજ બજાવે છે ત્યારે રાખડી બાંધી ફરજ નિભાવવામાં આવી હતી. ગીતાબેન રબારીએ કચ્છના સાંસદ વિનોદ ચાવડાને પણ રાખડી બાંધી હતી. ગીતાબેન રબારીએ ભાઈ બહેનનું ગીત ગાઈ જવાનોનો જુસ્સો વધાર્યો હતો. કચ્છના સાંસદ વિનોદ ચાવડાએ પણ રક્ષાકવચના આ દિનની સર્વેને શુભેચ્છા આપી હતી.
તો બીજી તરફ ચાર ચાર બંગડી વાળી ફેમ કિંજલ દવેએ પણ પોતાના ભાઇને રાખડી બાંધીને રક્ષાબંધનની ઉજવણી કરી હતી.
રાજલ બારોટે બહેનોને બાંધ્યું રક્ષાસૂત્ર
ગુજરાતી ગાયિકા રાજલ બારોટે રક્ષાબંઘનની અલગ રીતે જ ઉજવણી કરી રહી હતી. રાજલને ભાઇ ન હોવાથી તેમની બહેનોના હાથે રક્ષા સૂત્ર બાંધીને તેમની રક્ષા અને મંગલમય જીવનની કામ કરી હતી. આ સાથે તેમણે લોકોને કોરોના કાળમાં સાવધાની રાખવા અનુરોધ કર્યો હતો.
રિવાબા જાડેજા, ભૂમિ પંચાલ અને પૂનમ ગોંડલીયા સાદગીપૂર્વક કરી રક્ષાબંધનની ઉજવણી
લોકગાયિકા ભૂમિ પંચાલે સાદગીપૂર્વક રક્ષાબંધનની ઉજવણી કરી હતી. બહેનોએ રાખડી સાથે માસ્ક પણ ભાઇઓને બાંધ્યા હતા. ભૂમિ પંચાલને ભાઇએ માસ્ક અને સેનેટાઇઝરની ભેટ આપી હતી. લોકગાયિકા પૂનમ ગોંડલીયાએ પણ રક્ષાબંધનની ઉજવણી કરી હતી. ભાઈને રાખડી બાંધીને વિધિવત ઉજવણી કરી હતી. ત્યારે ક્રિકેટર રવિન્દ્ર જાડેજાની પત્ની રિવાબા જાડેજા પોતાના ભાઈને રાખડી બાંધી રક્ષાબંધનની ઉજવણી કરી હતી.
સાંઇરામ દવે, હેમંત ચૌહાણે અને કીર્તિદાન ગઢવી કરી રક્ષાબંધનની ઉજવણી
રક્ષાબંધનનો પાવનપર્વ ભજનિક હેમંત ચૌહાણ અને લોકગાયક કીર્તિદાન ગઢવીએ રક્ષાબંધનની ઉજવણી કરી હતી. હેમંત ચૈહાણના બહેને તેમના રાખડી બાંધી આને લાંબા આયુષ્યની કામના કરી હતી. તો કીર્તિદાન ગઢવીને બહેને રાખડી બાંધી અને લાંબા આયુષ્ય માટે પ્રાર્થના કરી હતી. બીજી તરફ લોકસાહિત્યકાર સાંઇરામ દવેએ પણ રક્ષાબંધનની ઉજવણી કરી હતી.
અલ્પેશ ઠાકોરે પૌત્રીને બાંધ્યું રક્ષાસૂત્ર
ભાજપ નેતા અલ્પેશ ઠાકોરે રક્ષાબંધનની અનોખી રીતે ઉજવણી કરી હતી. અલ્પેશ ઠાકોરે તેની પૌત્રીને રાખડી બાંધીને બેટી બચાવો બેટી પઢાવોના સંદેશ આપ્યો હતો. અલ્પેશ ઠાકોરે સમાજમાં દીકરીઓના શિક્ષણ અને સામાજિક ઉત્થાનનો સંદેશ આપ્યો હતો. ઠાકોર સમાજમાં બાળ લગ્ન અટકે તે માટે પણ અલ્પેશ ઠાકોરે અપીલ કરી હતી. આજના દિવસે અલ્પેશ ઠાકોરે કરી ઠાકોર સમાજની દીકરીઓ IAS-IPS બને તે માટે પણ પ્રાર્થના કરી.
હાર્દિક પટેલે રક્ષાબંધનની કરી ઉજવણી
કોંગ્રેસના કાર્યકારી અધ્યક્ષ હાર્દિક પટેલે રક્ષાબંધનની ઉજવણી કરી હતી. હાર્દિક પટેલની બહેને હાર્દિકને રાખડી બાંધી આશીર્વાદ આપ્યા હતા. બહેને ભાઇના લાંબા આયુષ્ય માટે પ્રાર્થના કરી હતી.
મહત્વનું છે કે, મુખ્યમંત્રી વિજય રૂપાણી, ભાજપ પ્રદેશ પ્રમુખ સી.આર.પાટિલ, અંજારના ધારાસભ્ય વાસણ આહિર, અમિત ચાવડા, પરેશ ધાનાણી સહિતના નેતાઓએ પણ રક્ષાબંધનની ઉજવણી કરી હતી.