વિદ્યાર્થીઓને 15 ફૂટની રંગોળી બનાવી નો પ્લાસ્ટિક યુઝનો મેસેજ આપ્યો, ગુજરાતી,પંજાબી,રાજસ્થાની,દક્ષિણ ભારત,પશ્ચિમ બંગાળ સહિતની મહિલાઓની પરંપરાગત વેશભૂષામાં તૈયાર થઈને આવી હતી
રક્ષાબંધનના પર્વની ઉજવણીનો અનેરો ઉત્સાહ
બે વર્ષ બાદ ધામધૂમથી ઉજવાશે રક્ષાબંધન
સુરતના ફેશન ઇન્સ્ટિટ્યૂટ દ્વારા અનોખી ઉજવણી
રંગોળી બનાવી નો પ્લાસ્ટિકનો મેસેજ આપ્યો
કોરોનાના બે વર્ષ બાદ આ વર્ષે લોકો ધામધૂમથી રક્ષાબંધનની ઉજવણી કરવાના મૂડમાં છે કારણકે ગત બે વર્ષ દરમિયાન અનેક પ્રતિબંધોને લઈને લોકો મન મૂકીને રક્ષાબંધનનો તહેવાર ઉજવી શક્યા ન હતા. ત્યારે એક તરફ બજારમાં રાખડીની ધૂમ ખરીદી જોવા મળી રહી છે તો બીજી તરફ સુરતમાં ફેશન ઇન્સ્ટિટ્યૂટમાં ભણતા વિદ્યાર્થીઓએ રક્ષાબંધનની અનોખી ઉજવણી કરી હતી જેમાં વિદ્યાર્થીઓએ 15 ફૂટ મોટી એક રંગોળી બનાવી નો પ્લાસ્ટિકનો એક મેસેજ આપ્યો હતો વિદ્યાર્થીઓને રાખડી બાંધી હતી.
એ ઉપરાંત વિદ્યાર્થીનીઓ સમગ્ર દેશમાં ઉજવાતા રક્ષાબંધનના તહેવારને એક તાતણે બાંધતા હોય તેવી રીતે ગુજરાતી પંજાબી રાજસ્થાની દક્ષિણ ભારત પશ્ચિમ બંગાળ સહિતની મહિલાઓની પરંપરાગત વેશભૂષામાં તૈયાર થઈને આવ્યા હતા અને બદલામાં જે વિદ્યાર્થીઓને રાખડી બાંધવામાં આવી હતી તેમને પોતાની સાથે ભક્તિ આ બહેનોને ખાદીના થેલા ભેટ આપ્યા હતા.
આ પ્રસંગે તમામ વિદ્યાર્થીઓએ એક સુરે નો પ્લાસ્ટિક નો મેસેજ આપ્યો હતો સાથે સાથે લોકોને પણ અપીલ કરી હતી કે સરકારે જ્યારે સિંગલ યુઝ પ્લાસ્ટિક ઉપર પ્રતિબંધ મૂક્યો છે ત્યારે લોકોએ પણ તે પ્રત્યે જાગૃત થવું જોઈએ વિદ્યાર્થીઓનું કહેવું હતું કે તેમના આ નાનકડા પ્રયાસથી અનેક લોકોને સિંગલ યુઝ પ્લાસ્ટિકનો વપરાશ નહીં કરવાનો ચોક્કસ એક મેસેજ મળશે