રક્ષાબંધનનો તહેવાર ભાઈ-બહેનના પ્રેમ અને સમર્પણનું પ્રતિક છે. દર વર્ષે શ્રાવણ મહિનાની પૂર્ણિમાએ આ તહેવાર મનાવવામાં આવે છે. આ વખતે 26 ઓગસ્ટ 2018 રવિવારના દિવસે છે. રક્ષાબંધન પર બહેન પોતાના ભાઈના લાંબા આયુષ્ય માટે અને સારા સ્વાસ્થ્ય માટે તેના કાંડા પર રક્ષા સૂત્ર જેને રાખડી કહેવામાં આવે છે તે બાંધે છે. તેના બદલામાં ભાઈ પોતાની બહેનોની રક્ષાનો સંકલ્પ લે છે.
દર વર્ષે રક્ષાબંધન પર રાખડી બાંધવા માટે મુહૂર્તનું ખાસ ધ્યાન રાખવામાં આવતું હોય છે આ વખતે સવારથી લઈ સાંજ સુધી ઘણા સારા મુહૂર્તો છે જેના કારણે તમને સવારથી લઈ સાંજ સુધી ઘણો સમય મળશે. પણ સાથે કેટલાક અશુભ ચૌઘડિયાનું પણ ધ્યાન રાખવાનું રહેશે.
જ્યોતિષ ગણતરી અનુસાર 25 ઓગસ્ટે બપોરે 3.16 મિનિટે પૂર્ણિમાં તિથિ શરૂ થઈ જશે જે 26 ઓગસ્ટની સાંજે 5.25 મિનિટ સુધી રહેશે. આ વખતે રક્ષાબંધન પર ઘનિષ્ઠ નક્ષત્ર રહેશે અને પંચક પ્રારમ્ભ થઈ જશે પણ તેની અસર રાખડી બાંધવામાં નહીં પડે.
રાખડી બાંધવાના શુભ મુહૂર્ત
26 ઓગસ્ટે સવારે 7.43થી બપોરે 12.28 વાગ્યા સુધી
બપોરે 2.03થી 3.38 વાગ્યા સુધી
અશુભ મુહૂર્ત
રાહુકાળ-સવારે 5.13થી 6.48 સુધી
યમ ઘંટા- બપોરે 3.38થી 5.13 સુધી
કાળ ચૌઘડિયા બપોરે-12.28 થી 2.03 સુધી