RakshaBandhan 2022 / આજે રાખડી બંધાવતા સમયે ભૂલથી પણ ન કરતાં આ 5 ભૂલો, નહીંતર અટકી જશે ભાગ્યોદય

• ભાઈના કાંડા પર રાખડી બાંધતી વખતે બહેનો રાખે ધ્યાન
• રક્ષાસૂત્ર બાંધતી વખતે અમુક વાતોનો વિશેષ ખ્યાલ રાખો
• બહેન રાખડી બાંધી પોતાની રક્ષાનુ વચન લે છે

શ્રાવણ મહિનાના શુક્લ પક્ષની પૂનમના રોજ રક્ષાબંધનનો તહેવાર મનાવવામાં આવે છે. આ દિવસે બહેનો ભાઈના કાંડા પર પ્રેમ અને સ્નેહની ડોર બાંધે છે અને તેની પાસે પોતાની રક્ષાનુ વચન લે છે.

રાખડી બાંધતી વખતે અમુક વાતોનો વિશેષ ખ્યાલ રાખો

1. ભાઈના કાંડા પર રાખડી બાંધતી વખતે બહેનોએ મોંઢૂ દક્ષિણ-પશ્ચિમ દિશા તરફ હોવુ જોઈએ. તો ભાઈઓએ ઉત્તર-પૂર્વ દિશા તરફ જોવુ જોઈએ. આ દરમ્યાન કોઈ અન્ય દિશામાં ના જોશો.
2. રાખડીના દિવસે ભાઈના કાંડા પર કાળા રંગનુ સૂત્ર અથવા રાખડી, ખંડિત રાખડી, પ્લાસ્ટિકની રાખડી અને અશુભ ચિન્હવાળી રાખડી બાંધવાથી બચવુ જોઈએ. ભાઈના કાંડા પર આવી રાખડીને બાંધવી અશુભ સમજવામાં આવે છે. 
3. રાખડી બાંધતી વખતે ભાઈને જમીનમાં બેસાડવાને બદલે ઉપર બેસાડવો જોઈએ. ભાઈના માથા પર રૂમાલ અથવા કોઈ સાફ કપડુ આવશ્ય રાખો. જેનાથી ભાઈનો ભાગ્યોદય થાય છે. આ સાથે ભાઈના માથા પર તિલક કર્યા બાદ તૂટેલા ચોખાની જગ્યાએ અક્ષત લગાવવા જોઈએ.
4. રક્ષાબંધનના દિવસે રાહુ કાળ અને ભદ્રાકાળમાં રાખડી બાંધવાથી બચવુ જોઈએ. એવુ કહેવાય છે કે રાવણની બહેને પણ ભદ્રાકાળમાં તેના ભાઈના કાંડા પર રાખડી બાંધી હતી અને ત્યારબાદ તેના સામ્રાજ્યનો વિનાશ થયો હતો ત્યારથી ભદ્રાકાળમાં ભાઈને રાખડી ના બાંધવાનુ ચલણ છે. 
5. રક્ષા સૂત્ર ત્રણ ધાગાના હોવા જોઈએ. લાલ, પીળા અને સફેદ. નહીંતર લાલ અને પીળા દોરાના તો હોવા જોઈએ. રક્ષા સૂત્રમાં ચંદન લગાવેલુ હોય તો અત્યંત શુભ રહેશે. છેલ્લે કશુ ના મળે તો કલાવા પણ શ્રદ્ધાપૂર્વક બાંધી શકો છો.