Raksha bandhan 2020 / આવતીકાલે દેશભરમાં ઉજવાશે રક્ષાબંધનનો તહેવાર, આ છે શુભ મૂહૂર્ત અને રાખડી બાંધવાની વિધિ

• આવતીકાલે 3 ઓગસ્ટે ઉજવાશે રક્ષાબંધન
• આ વિધિથી રાખડી બાંધવાથી થશે ભાઈની પ્રગતિ
• આ છે આવતીકાલની રક્ષાબંધનના શુભ મૂહૂર્ત

આ છે આ વર્ષની રાખડી બાંધવાના શુભ મૂહૂર્ત

માનવામાં આવે છે કે જો પ્રદોષ કાળ કે ભદ્ર કાળમાં રાખડી બાંધવામાં આવે તો તે ભાઈને નુકસાન કરે છે. માટે આ બંને મૂહૂર્તમાં ક્યારેય ભાઈને રાખડી બાંધવી નહીં. રાવણની બહેને તેને આ ભદ્ર કાળમાં રાખડી બાંધી હતી તેથી તેનો પરાજય અને સર્વનાશ થયો. તમે તમારા ભાઈને બપોરે 1.16 મિનિટથી 4.24 મિનિટ સુધી અને ત્યારબાદ સાંજે 7.07 મિનિટથી રાતે 9.15 મિનિટ સુધીના મૂહૂર્તમાં રાખડી બાંધી શકશો. આ મૂહૂર્ત શ્રેષ્ઠ અને શુભ છે. 

આ વિધિ સાથે ભાઈને બાંધો રાખડી, તેની પ્રગતિ થશે

• સવારે ઉઠીને નિત્યક્રમ પતાવી તૈયાર થઈ જાઓ.
• ઘરની સફાઈ અને પૂજા ઘરમાં પૂજા કરો.
• પૂજાના સ્થાને ચોખાનો લોટનો ચોક બનાવો અને અહીં માટીના ઘડાની સ્થાપના કરો.
• હવે ચોખા, કાચા સૂતરનું કપડું, રાઈ, નાડાછડીને એક સાથે રાખીને પૂજાની થાળી તૈયાર કરો. 
• થાળીમાં શુદ્ધ દેશી ધીનો દીપક કરો. થાળીમાં મીઠાઈ પણ રાખો.

• તમારો ભાઈ સાથે છે તો તેને બાજઠ પર બેસાડો. દૂર હોય તો તમે તેનો ફોટો રાખી શકો છો. 
• શુભ મૂહૂર્ત અનુસાર રાખડી બાંધતી સમયે તેનું મોઢું પૂર્વ દિશામાં રહે તે રીતે તેને બેસાડો. 
• ધ્યાન રાખો કે ભાઈને તિલક કરતી સમયે બહેનનું મોઢું પશ્ચિમ દિશા તરફ હોય.
• ભાઈને માથા પર તિલક કરીને જમણા હાથે રાખડી બાંધો.
• હવે ભાઈની આરતી ઉતારો અને તેને મીઠાઈ ખવડાવો. 
• બહેન મોટી હોય તો નાના ભાઈએ તેને પગે લાગીને આર્શિવાદ લેવા અને બહેન નાની હોય તો તેણે ભાઈને પ્રણામ કરીને તેના આર્શિવાદ લેવા જોઈએ.