બોલિવૂડની ડ્રામા ક્વિન રાખી સાવંત તેના વિવાદિત નિવેદનોને કારણે હમેશાં ચર્ચામાં રહે છે. રાખી સાવંત સોશિયલ મીડિયા પર ખૂબ જ એક્ટિવ છે. અત્યારે તે યૂકેમાં છે પણ તે મુંબઈ અને બોલિવૂડને ખૂબ જ મિસ કરે છે. જેનો એક વિવાદિત નિવેદન આપતો વીડિયો તેણે શેર કર્યો છે, જે ખૂબ જ વાયરલ થઈ રહ્યો છે.
બોલિવૂડમાં જલ્દી વાપસી કરશે રાખી સાવંત
બોલિવૂડના દિગ્ગજ સ્ટાર્સ તેને કરી રહ્યાં છે મિસ
રાખીએ કહ્યું કરણ જોહર, ફરાહ ખાન મારા જવાથી ઉદાસ
રાખી સાવંતે ઈન્સ્ટાગ્રામ પર એક વીડિયો શેર કર્યો છે. જેમાં તે કહી રહી છે, હું પાછી મુંબઈ આવવા માંગુ છું. મારી મમ્મીનું ઓપરેશન હતું એટલે હું મુંબઈ આવી હતી પણ હવે પાછી યૂકે આવી ગઈ છું. પણ અહીં મને ગમતું નથી.
રાખીએ વધુમાં કહ્યું, અહીં બધાં મને ખૂબ જ પ્રેમ કરે છે, પણ મારું દિલ તો મુંબઈમાં મારી મા પાસે છે. બોલિવૂડ ઈન્ડસ્ટ્રીના મારા મિત્રો સલમાન ખાન, શાહરૂખ ખાન, રણવીર સિંહ, રણબીર કપૂર, અક્ષય કુમાર, દીપિકા પાદુકોણ, વિદ્યા બાલન અને આલિયા ભટ્ટ મને બહુ જ યાદ કરે છે. આ બધાંનો મને ફોન આવે છે. બધાં એવી રીતે મિસ કરે છે જાણે કે મેં બોલિવૂડ છોડી દીધું છે.
રાખીએ કહ્યું, કરણ જોહર, ફરાહ ખાન બહુ ઉદાસ છે કે હું લગ્ન કરીને બોલિવૂડથી જતી રહી. આ લોકો બહુ જ નારાજ છે. બધાં ઈચ્છે છે કે, હું પાછી આવી જાઉં. કારણ કે બધાંનું એન્ટરટેન્મેન્ટ કરવું જરૂરી છે. હું મુંબઈ આવવા માંગુ છું. આ વીડિયોમાં રાખી બાથટબમાં બેઠી છે અને ગળામાં મંગળસૂત્ર પહેર્યું છે.
આ વીડિયોમાં તે ખૂબ જ ટ્રોલ થઈ રહી છે. લોકો તેને કમેન્ટ કરી રહ્યાં છે કે પાછી મુંબઈ ના આવતી અને આટલું બધું ખોટું ના બોલ.ઉલ્લેખનીય છે કે, રાખીએ જણાવ્યા મુજબ તેણે કોઈક એનઆરઆઈ શખ્સ રિતેશ સાથે લગ્ન કરી લીધા છે. પણ હજી સુધી તેનો ચહેરો લોકોની સામે આવ્યો નથી. પણ રાખી હમેશાં તેના પતિ વિશે વાતો કરતી રહે છે.