બિગ બોસ ફેમ અભિનેત્રી અને બૉલીવુડની ડ્રામા ક્વિને પોતાના રહસ્યમય પતિ રીતેશની સાથેના લગ્ન અંગે નવી વાત શેર કરી છે. પતિ રીતેશ સાથેના ફોટો અને વીડિયો પણ કોઈની સાથે શેર કર્યા નથી.
બૉલીવુડની ડ્રામા ક્વિન રાખી સાવંતે ચોંકાવનારો કર્યો ખુલાસો
રાખીએ પોતાના રહસ્યમયી પતિ રીતેશ સાથેના લગ્ન અંગે કર્યા ખુલાસા
ગુજરાતના મોટા ડૉન સાથે પીછો છોડાવવા કર્યા હતા લગ્ન
ગુજરાતના ડૉનથી પીછો છોડાવવા મેં રીતેશ સાથે લગ્ન કર્યા: રાખી સાવંત
રાખી સાવંત પોતાની કારકિર્દીથી વધારે પોતાના રહસ્યમયી લગ્નને લઈને ચર્ચામાં રહી હતી. રાખીએ પોતાના તાજેતરના ઈન્ટરવ્યુમાં દાવો કર્યો છે કે, ગુજરાતના એક ડોનથી બચવા માટે તેમણે રીતેશ સાથે લગ્ન કર્યા હતા. આ સાથે રાખીએ કહ્યું કે જીવનના બીજા તબક્કામાં તેમના લગ્ન રીતેશ સાથે થયા.
ગુજરાતનો એક ડોન મને ધમકી આપી રહ્યો હતો: રાખી સાવંત
રાખી સાવંતે ઈન્ટરવ્યુમાં દાવો કર્યો છે કે, ગુજરાતનો એક હિંસક યુવાન તેની સાથે લગ્ન કરવા માટે દબાણ કરી રહ્યો હતો. આ યુવાન રાખી સાવંતને મજબુર કરી રહ્યો હતો કે હું તેમની સાથે લગ્ન કરું. રાખી આ યુવાન સાથે ગોવામાં એક દિવસ ડેટ પર પણ ગઈ હતી. રાખીએ વધુમાં જણાવ્યું કે, મેં તેનો ફાર્મહાઉસનો એક વીડિયો જોયો. જેમાં તે એક વ્યક્તિને ખરાબ રીતે માર મારી રહ્યો હતો. રાખી સાવંતે જણાવ્યું કે, આ વ્યક્તિ તેને ધમકી આપી રહ્યો હતો કે જો રાખી તેમની સાથે લગ્ન નહી કરે તો તેઓ તેનું અપહરણ કરી લેશે.
રિતેશનું બેન્ક સ્ટેટમેન્ટ જોઈ મે લગ્ન કર્યા હતા
વધુમાં રાખી સાવંતે કહ્યું કે રિતેશનું બેન્ક સ્ટેટમેન્ટ જોઈ મને લાગ્યું કે મારે રિતેશ સાથે લગ્ન કરી લેવા જોઈએ કારણકે અહિયાંથી મારા જીવનના સંઘર્ષનો અંત આવશે. આગળ કહ્યું કે તે અને રિતેશ પહેલી વાર મળ્યા ત્યારે લગ્ન માટે તૈયાર ન્હોતા થયા, પણ ઘણી વાતચીત કર્યા બાદ રિતેશ મુંબઈ આવ્યા અને પછી બંનેએ લગ્ન કરી લીધા. કહ્યું કે "આ લગ્નના કારણે મને ગુજરાતના ડૉનથી પીછો છોડાવવામાં મદદ મળી.