રાજકોટ અને રાજસ્થાન ઉપરાંત મહારાષ્ટ્ર, ઉત્તર પ્રદેશ, કર્ણાટક અને દિલ્લી સહિત યુકે અને સિંગાપોર અને યુનાઇટેડ સ્ટેટ્સથી પણ મળે છે રાખડીનો ઓર્ડર
રક્ષાબંધનને ગણતરીના દિવસો બાકી
રાજકોટમાં આવી સોના-ચાંદીની રાખડી
બીજા રાજ્યોમાંથી મળે છે રાખડીનો ઓર્ડર
રક્ષાબંધનના તહેવારને હવે ગણતરીના દિવસો બાકી છે, ત્યારે રાજકોટમાં શુદ્ધ સોના અને ચાંદીની રાખડી લોન્ચ કરવામાં આવી છે. આ રાખડીઓનો રાજસ્થાન ઉપરાંત મહારાષ્ટ્ર, ઉત્તર પ્રદેશ, કર્ણાટક અને દિલ્લીથી પણ ઓર્ડર આપવામાં આવે છે. આ રાખડીની કિંમતની વાત કરવામાં આવે તો, ચાંદીની રાખડીની કિંમત 150થી 750 રૂપિયા સુધીની રાખવામાં આવી છે અને સોનાની રાખડીની કિંમત રૂપિયા 3 હજારથી 15 હજાર રાખવામાં આવી છે.
રાજ્યમાં રક્ષાબંધનના તહેવારને લઈ અત્યારથી જ અવનવી રાખડીઓ બજારમાં આવી ગઈ છે. તેવામાં હવે રાજકોટના એક જવેલર્સ દ્વારા શુદ્ધ સોના અને ચાંદીની રાખડી લોન્ચ કરવામાં આવી છે. ચાંદીમાં 100થી વધુ ડિઝાઇન્સ અને સોનાની રાખડીમાં લગભગ 20 ડિઝાઇન છે. જેને લઈ ભારત સહિત વિદેશમાં થી પણ આ જવેલર્સને રાખડીના ઓર્ડર મળી રહ્યા છે.
VG ગોલ્ડ જ્વેલર્સના સિદ્ધાર્થ સાહોલિયાએ જણાવ્યું હતું કે, ચાંદીમાં 100 થી વધુ ડિઝાઇન્સ અને સોનાની રાખડીમાં લગભગ 20 ડિઝાઇન છે. આમાં OM, સ્વસ્તિક, હેપ્પી બ્રધર, બેસ્ટ બ્રધર અને આવી અન્ય ડિઝાઇનનો સમાવેશ થાય છે. અમને દુબઇથી ઓર્ડર મળ્યા છે. યુકે અને સિંગાપોર અને યુનાઇટેડ સ્ટેટ્સથી પણ ઓર્ડર મળ્યા છે.
આ અંગે જ્વેલર્સ સિદ્ધાર્થ સહોલિયાએ જણાવ્યું કે, સોનાની રાખડી 22 કેરેટ સોનાની બનાવવામાં આવી છે. આ રાખડીઓનો રાજસ્થાન ઉપરાંત મહારાષ્ટ્ર, ઉત્તર પ્રદેશ, કર્ણાટક અને દિલ્લીથી પણ ઓર્ડર આપવામાં આવે છે. આ રાખડીની કિંમતની વાત કરવામાં આવે તો, ચાંદીની રાખડીની કિંમત 150થી 750 રૂપિયા સુધીની રાખવામાં આવી છે અને સોનાની રાખડીની કિંમત રૂપિયા 3 હજારથી 15 હજાર પ્રતિ પીસ રાખવામાં આવી છે..
કેવી હશે સોના-ચાંદીની રાખડીઓ ?
આ રાખડીઓ સુંદર કોતરણી કરેલા લાકડાના બોક્સમાં ઉપલબ્ધ હશે. જેમાં ડ્રાય ફ્રૂટ્સ, ચોકલેટ અને અન્ય ઘટકોનો પણ સમાવેશ થાય છે. ભાઈ અને બહેનના અનોખા બંધનની ઉજવણી આ વર્ષે 11 ઓગસ્ટે થશે. પરંપરાગત રીતે એક બહેન તેના ભાઈના કાંડા પર રાખડી બાંધે છે અને તે દરેક રીતે તેનું રક્ષણ કરવા માટે બંધાયેલ છે. બહેન તેના ભાઈના કાંડા પર રાખડી બાંધે તે પછી, તે તેને ભેટ આપીને તેના પર વરસેલો પ્રેમ પાછો આપે છે. બદલામાં, તેણી તેને મીઠી વસ્તુઓ આપે છે.