ખેડૂત આંદોલન સમેટાયું / 26 જાન્યુઆરીની ઘટના બાદ ખેડૂતોનું મનોબળ તૂટતા રાકેશ ટિકેતે એવું કર્યું કે ખેડૂત આંદોલનમાં ફૂંકાયા હતા નવા પ્રાણ

• ખેડૂતોએ આંદોલન સમેટવાનો નિર્ણય લીધો
• ટિકેતના આંસુઓથી ખેડૂત આંદોલનને મળ્યું હતું નવું જીવન
• ખેડૂત આંદોલનની સફળતાના ત્રણ મહત્વના મંત્ર રહ્યા

હવે દેશમાં ખેડૂત આંદોલનનો અંત આવતો નજરે આવી રહ્યો છે. MSP ઉપર સમિતિ બનાવવા સહમતિ અને ખેડૂતો ઉપર થયેલા કેસ પાછા ખેંચવાની સરકારે તૈયારી દર્શાવી છે. જ્યારબાદ ખેડૂતોએ આંદોલન સમેટવાનો નિર્ણય લીધો છે. ખેડૂતો 11 ડિસેમ્બરથી પોતાના ઘરે પરત ફરશે. સિંઘુ બોર્ડરે સંયુક્ત કિસાન મોરચાની બેઠકમાં નિર્ણય લેવાયો છે. હાલ ખેડૂતોએ ટેન્ટ હટાવવાના શરૂ કર્યા છે. ત્યારે આ આંદોલન પર કેટલાક મહત્વના મુદ્દા છે, જેના કારણે આ ખેડૂતોનું આંદોલન સફળ નિવડ્યું. કૃષિ કાયદા બન્યા બાદ ખેડૂતો ગુસ્સો ભરાયા તો તેમણે ગાઝીપુર બોર્ડર પર આવીને દિલ્હીને ઘેરી લીધું. 26 જાન્યુઆરી બાદ વિખેરાતા આંદોલનને સંજીવની પણ ગાઝીપુર બોર્ડરથી જ મળી.

ટિકેતના આંસુઓથી ખેડૂત આંદોલનને મળ્યું હતું નવું જીવન

લાલ કિલ્લા પર ધાર્મિક ધ્વજ ફરકાવ્યા બાદ 28 જાન્યુઆરીએ પોલીસે ધરણા ખતમ કરવાની તૈયારી કરી લીધી હતી, પરંતુ ગાઝીપુર બોર્ડર પર બેઠેલા રાકેશ ટિકૈતે પંચાયત અને પોલીસ તરફ ધરપકડ કરવાના પ્રયાસ કરવા પર તેમની આંખોથી આંસૂ છલકાઈ આવ્યા હતા. આ આંસુઓએ ખેડૂતોના ગુસ્સાને વધુ ભડકાવી દીધો અને તંબૂ છોડીને ગયેલા ખેડૂત રાતોરાત ફરીથી ગાઝીપુર બોર્ડર પર પરત આવ્યા. તેનું પરિણામ છે કે આંદોલન ન માત્ર ફરીઝી જીવત થયું, પરંતુ સરકારે પીછે હઠ કરી લીધી. ખેડૂત આંદોલનની સફળતામાં ગાઝિયાબાદ-દિલ્હીના ગાઝીપુર બોર્ડરની ભૂમિકા મહત્વની રહી.

યૂપી બોર્ડર પર 28 નવેમ્બરે ધામા નાખ્યા
સિઘુ બોર્ડર પર 26 નવેમ્બર 2020એ ખેડૂતોએ આંદોલન શરૂ કર્યું હતું. ભાકિયૂના અધ્યક્ષ નરેશ ટિકેત, રાષ્ટ્રિય પ્રવક્તા રાકેશ ટિકેત અને યુવા અધ્યક્ષ ગૌરવ ટિકેતે નેતૃત્વમાં એક દિવસ બાદ 27 નવેમ્બરે ખેડૂતોનો કાફલો મોદીનગર પહોંચ્યો હતો. 28 નવેમ્બર સવારે ખેડૂતોએ યૂપી ગેટ(ગાઝીપુર બોર્ડર) પર ધામા નાખ્યા હતા. 550થી વધુ ટ્રેક્ટર-ટ્રોલિયો સાથે દિલ્હી તરફ કૂચ કરી રહેલા પશ્ચિમ ઉત્તરપ્રદેશના ખેડૂતોએ દિલ્હી જવાનું એલાન કર્યું તો અધિકારીઓની ચિંતા વધી ગઇ હતી. 

26 જાન્યુઆરી ગણતંતર દિવસની ઘટનાથી ખેડૂતોનું મનોબળ તૂટ્યું હતું
26 જાન્યુઆરીએ ખેડૂતોએ 500થી વધુ ટ્રેક્ટરોની સાથે દિલ્હીમાં માર્ચ કરી. જેનું નેતૃત્વ રાકેશ ટિકેત કરી રહ્યા હતા. પરંતુ લાલકિલ્લાના પ્રાચીર પર એક ઘટનાએ લોકોને ખેડૂતો વિરૂદ્ધ કરી દીધા. ખેડૂતોનું મનોબળ તૂટી ગયું અને આંદોલનમાં તંબૂ ખાલી થવા લાગ્યા હતા. આંદોલનના ઇતિહાસમાં સરદાર વીએમસિંહ પણ કેટલાક આરોપો લગાવીને ઘરે ચાલ્યા ગયા. ત્યારે, પોલીસ તંત્રએ રસ્તો ખાલી કરાવવા માટે 1500 સુરક્ષા દળો સાથે યુપી ગેટ પર માર્ચ કરી માહોલ ગરમાવ્યો. 27 જાન્યુઆરીના દિવસે ખેડૂતો માટે કાળી રાત જેવો વિત્યો.

સૌથી મહત્વનો હતો 28 જાન્યુઆરીનો દિવસ
28 જાન્યુઆરીનો દિવસ ખેડૂત આંદોલન અને આગેવાની કરી રહેલા રાકેશ ટિકેત માટે ઘણો જ મહત્વપૂર્ણ હતો. સાંજે અંદાજિત 7:30 વાગ્યે પોલીસ ફોર્સ કાર્યવાહી માટે તૈયાર હતી, પરંતુ રાકેશ ટિકેતના આંસૂ છલકી આવ્યા. આ ક્ષણ ખેડૂત આંદોલનને નવું જીવનદાન આપવાનો ટર્નિંગ પોઇન્ટ બની ગઈ. આ સમાચારથી દેશનો માહોલ બદલાઈ ગયો અને યૂપી ગેટ પર ફરીથી લોકો ઉમટવા લાગ્યા. 26 નવેમ્બરે ખેડૂત આંદોલનને એક વર્ષ પૂર્ણ થયું. આંદોલનમાં 11-11 ખેડૂતો 2.5 મહિના સુધી ભૂખ હડતાળ કરી. નેતા અને અભિનેતાઓને પણ ખેડૂતોનુ સમર્થન મળ્યું. પંજાબ, ઉત્તરાખંડ અને પશ્ચિમ બંગાળના નેતા પણ યુપી ગેટ પહોંચ્યા હતા. આંદોલનનો આ સમય હતો કે ખેડૂતોને નવા વર્ષ, વૈશાખી, હોળી, ગુરૂ પર્વ, રક્ષાબંધ, ભાઈ-બીજ અને દિવાળી પણ આંદોલન સ્થળે જ મનાવી.

નવા કૃષિ કાયદાનો ઘટનાક્રમ
વર્ષ 2020

• 14 સપ્ટેમ્બર : સંસદ માં ત્રણ નવા કૃષિ બિલ લવાયા
• 17 સપ્ટેમ્બર : સંસદમાં કાયદો પસાર, બહુમતિએ કાયદો થયો પસાર
• 3 નવેમ્બર -  દેશવ્યાપી માર્ગ નાકાબંધીનું એલાન, ખેડૂતોએ આપ્યુ હતું એલાન
• 26 નવેમ્બર -  દિલ્લી સીમાઓ ખેડૂતો આવવાના થયા શરૂ, પંજાબ, હરિયાણા અને દેશભરમાંથી આવ્યા ખેડૂતો
• 1 ડિસેમ્બર - સરકારે નવા કૃષિ કાયદા પર ચર્ચા કરવા બનાવી કમિટિ, ખેડૂતોને ચર્ચા કરવા આપ્યું આમંત્રણ
• 3 ડિસેમ્બર - કાયદાને લઇ 8 ક્લાકની મેરાથોન બેઠક, ખેડૂત આગેવાનો સાથે બેઠક
• 5 ડિસેમ્બર - સરકાર સાથે પાંચમા દોરની બેઠક, ખેડૂતોએ સરકારની વાત ન માની
• 8 ડિસેમ્બર -  ભારત બંધનું એલાન, સંયુક્ત કિસાન મોર્ચાએ આપ્યું એલાન
• 16 ડિસેમ્બર - બોર્ડર બંધ થવાથી યાત્રિઓને થઇ પરેશાની, સરકારે ખેડૂતોને કરી અપીલ
• 25 ડિસેમ્બર - ખેડૂતોની એક દિવસની ભૂખ હડતાળ, નવા કાયદા પાછા ખેંચવા કરી ભૂખ હડતાળ
• 30 ડિસેમ્બરે - છઠ્ઠા દોરની વાતચીત, ખેડૂતોની માંગણી ન સ્વીકારતા બેઠકમાં નિર્ણય ન આવ્યો

વર્ષ 2021

• 4 જાન્યુઆરી -  સાતમા દોરની વાતચીત, ખેડૂતો નવો કાયદો પરત ખેંચવા પર રહ્યા અડગ
• 8 જાન્યુઆરી - આઠમા દોરની બેઠક,  ખેડૂતોનું એલાન, કાયદા પરત થશે તો જ ઘરે જઇશું
• 12 જાન્યુઆરી - સુપ્રીમ કોર્ટે કાયદા પર રોક લગાવી, કાયદાની સમીક્ષા કરવા કમિટિ બનાવી 
• 15 જાન્યુઆરી - નવમા દોરની બેઠક પણ અનિર્ણિત રહી, સરકારે માંગ્યા ખેડૂતો પાસે સુધારા
• 21 જાન્યુઆરી-  10મા દોરની બેઠક, સરકારે દોઢ વર્ષ કાયદો સ્થિગત કરવાનો પ્રસ્તાવ રાખ્યો
• 22 જાન્યુઆરી - 11મા દોરની વાતચીત, ખેડૂતોએ પોતાની માંગથી હટવાનો કર્યો ઇનકાર, ફરી બેઠક અનિર્ણિત
• 22 જાન્યુઆરી - ખેડૂત અને સરકાર વચ્ચે છેલ્લી બેઠક થઇ, ખેડૂતો કાયદો પરત ખેંચવાની વાત પર અડગ, સરકારે પણ કાયદા પરત ન ખેંચવા કરી તૈયારી
• 26 જાન્યુઆરી - ખેડૂતોની ટ્રેક્ટર પરેડ, દિલ્લીમાં આવતા પોલીસ અને આંદોલનકારી વચ્ચે હિંસક ઘર્ષણ, ખેડૂતો લાલકિલ્લા સુધી પહોંચ્યા
• 6 ફેબ્રુઆરી - બપોરે 12 થી 3 વાગ્યા સુધી ખેડૂતોએ દેશભરમાં કર્યો ચક્કાજામ, વિવિધ રાજ્યોમાં હિંસક ઝડપ થઇ
• 6 માર્ચ - ખેડૂત આંદોલનને 100 દિવસ પૂર્ણ થયા, ખેડૂતો દિલ્લી બોર્ડર પર યથાવત રહ્યા
• જુલાઇમાં ખેડૂતોએ નવા કૃષિકાયદાના વિરોધમાં સમાંતર મોનસૂન સત્ર શરૂ કર્યું
• 7 થી 9 સપ્ટેમ્બર - મોટી સંખ્યામાં ખેડૂતો કરનાલ પહોચ્યા, કરનાલમાં મીની સચિવાલયનો કર્યો ઘેરાવ
• 15 સપ્ટેમ્બર ખેડૂત આંદોલનને કારણે બંધ પડેલી સિંઘુ બોર્ડરનો રસ્તો ખોલાવવા કર્યો પ્રયાસ. સરકારે પ્રદેશ કક્ષાની કમિટિની કરી રચના
• 19 નવેમ્બર પ્રધાનમંત્રીએ કૃષિ કાયદા પરત લેવા કર્યું એલાન, ખેડૂતોમાં ખુશીનો માહોલ
• 24 નવેમ્બર કૃષિ કાયદા પરત લેવા કેબિનેટની મંજૂરી
• 29 નવેમ્બર સંસદના બંને સદનમાં કૃષિકાયદા પરત લેવાયા
• 30 નવેમ્બર ખેડૂતોએ MSP કાયદો લાવવા કરી માંગ
• 30 નવેમ્બર સરકારે ખેડૂતોની માંગ માની કમિટીની કરી રચના
• 1 ડિસેમ્બર કૃષિ કાયદા પદ રાષ્ટ્રપતિએ બિલ પર કર્યા હસ્તાક્ષર
• 9 ડિસેમ્બર ખેડૂતોએ આંદોલન પાછુ લેવાની કરી જાહેરાત