ખેડૂત આંદોલન / રાકેશ ટિકૈતે મોદી સરકાર પર કર્યો ચોંકાવનારો આક્ષેપ કહ્યું, શું આ નેતાઓ પણ આંદોલનજીવી હતા

• પહેલા બુદ્ધિજીવીઓ હતા હવે આંદોલનજીવી પેદા થયા  નિવેદન પર ટિકેતનો જવાબ
• ભાજપ નેતા લાલકૃષ્ણ અડવાણીએ પણ અયોધ્યામાં રથયાત્રા કાઢી હતી તેઓ પણ આંદોલનજીવી હતા
• અમે સરકારને આગામી મંત્રણાની તારીખ નક્કી કરવાનું જણાવ્યું છે પરંતુ હજુ સુધી કંઈ થયું નથી

પહેલા બુદ્ધિજીવીઓ હતા હવે આંદોલનજીવી પેદા થયા છે તેવી વડાપ્રધાન મોદીના નિવેદન પર બોલતા ખેડૂત નેતા રાકેશ ટિકેતે જણાવ્યું કે ભાજપ નેતા લાલકૃષ્ણ અડવાણીએ પણ અયોધ્યામાં રથયાત્રા કાઢી હતી તેઓ પણ આંદોલનજીવી હતા. સરકારે ખેડૂતોને 26 જાન્યુઆરીએ જાળમાં ફસાવવાની કોશિશ કરી હતી. 

ટિકેતે કહ્યું કે મહાત્મા ગાંધી, જવાહરલાલ નહેરુ, શહીદ ભગતસિંહ વગેરે પણ આંદોલનજીવી હતા. ટિકૈતે કહ્યું કે સરકાર જે કહે છે તે કદી પણ કરતી નથી. અમે સરકારને આગામી મંત્રણાની તારીખ નક્કી કરવાનું જણાવ્યું છે પરંતુ હજુ સુધી કંઈ થયું નથી. 

ટિકૈતે કહ્યું કે શું મહાત્મા ગાંધી, શહીદ ભગત સિંહ શું પરજીવી હતા

ટિકૈતે કહ્યું કે મોદીએ ખેડૂતોને કોઈ  અપીલ નથી કરી બલ્કે મોદીએતો આંદોલનકારીઓને પરજીવી ગણાવ્યા છે. દેશના પ્રધાનમંત્રીએ આંદોલન વિશે આવું ન કહેવું જોઈએ. જો આંદોલન પરજીવી છે તો દેશને આઝાદી અપાવનારા મહાત્મા ગાંધી, શહીદ ભગત સિંહ શું પરજીવી હતા. ટિકૈતે કહ્યું કે મોદીએ આ આંદોલનકારીઓનું અપમાન કર્યુ છે. તે પાનીપતમાં ચોલ પ્લાઝા પહોંચ્યા હતા. તે સમયે તે ખુલ્લી છત વાળી લગ્ઝરી કારમાં હતા. એ બાદ યુવા ખેડૂતો પોત પોતાના ફોન કાઢીને રાકેશ સાથે સેલ્ફી લેવામાં લાગ્યા હતા.

પ્રધાનમંત્રીએ ખેડૂતોને આંદોલનજીવી કહીને મજાક ઉડાવી છે

અનેક ન્યૂઝ ચેનલોએ તેમના આ અંદાજ પર અનેક સવાલ ઉભા કર્યા છે. ત્યારે એલનાબાદના પૂર્વ ધારાસભ્ય અભય સિંહ ચૌટાલાએ કહ્યું કે રાજ્યસભામાં પ્રધાનમંત્રીએ ખેડૂતોને આંદોલનજીવી કહીને મજાક ઉડાવી છે તેની કિંમત ચૂકવવી પડશે.  તેમણે આરોપ લગાવ્યો કે સરકારના કેટલાક મિત્રોએ લાભ પહોંચાડવા માટે દેશની 80 ટકા વસ્તીને આંદોલન કરવા માટે મજબૂર કર્યા છે.