એલાન / 'મિશન બંગાળ'માં ભાજપનું વધી શકે છે ટેન્શન : 13 માર્ચે આ કામ કરવા જઈ રહ્યા છે રાકેશ ટીકૈત

• રાકેશ ટિકૈત જશે પશ્ચિમ બંગાળ
• મહાપંચાયતને કરશે સંબોધિત
• 13 માર્ચે પશ્ચિમ બંગાળ જશે ટિકૈત

સંયુક્ત ખેડૂત મોર્ચાના પ્રમુખ રાકેશ ટિકૈત જશે પશ્ચિમ બંગાળ
 
કૃષિ કાયદાને લઈને કેન્દ્ર સરકાર અને ખેડૂતો વચ્ચે સતત ગતિરોધ થઈ રહ્યો છે ત્યારે ભારતીય કિસાન યુનિયનના નેતા રાકેશ ટીકૈતે એલાન કર્યું છે કે તે 13 એપ્રિલે પશ્ચિમ બંગાળ જશે.  તેમણે કહ્યું કે બંગાળમાં તે મોટી સંખ્યામાં પંચાયત કરવાના છે. 
 

સંયુક્ત ખેડૂત મોર્ચાના પ્રમુખ રાકેશ ટિકૈતનું નિવેદન
 
ANI સાથે વાતચીતમાં રાકેશ ટીકૈતે કહ્યું કે બંગાળમાં અમે ખેડૂતો સાથે આંદોલન અને MSP મુદ્દે વાત કરીશું. આવતીકાલે મહિલા દિવસ પણ ઉજવીશું જેમાં બોર્ડર પર બધુ જ સંચાલન મહિલાઓ કરશે. 

રાકેશ ટિકૈત પશ્ચિમ બંગાળમાં કરશે મહાપંચાયતને સંબોધિત
 
નોંધનીય છે કે ખેડૂતોના આંદોલનને 100 દિવસથી પણ વધુ સમય થઈ ગયો છે ત્યારે ખેડૂત નેતાઑ હવે આંદોલનને ધાર આપવા માટે દેશના જુદા જુદા રાજ્યોમાં આંદોલનને ફેલાવી રહ્યા છે. 
 

ભાજપનું ટેન્શન વધારશે ખેડૂતો? 
 
ખેડૂતો સતત કાયદાને રદ કરવા માટે આંદોલન કરી રહ્યા છે જોકે સરકાર સાથે ખેડૂતોની વાતચીત ઘણા સમયથી બંધ છે ત્યારે ખેડૂતો હવે ખૂલીને ભારતીય જનતા પાર્ટીનો વિરોધ કરી રહ્યા છે.  
ખેડૂતો દ્વારા કહેવામાં આવી રહ્યું છે કે હવે જે પણ ચૂંટણી આવશે તેમાં ભાજપને હરાવવા માટે અમે ખેડૂતોને આગ્રહ કરીશું. નોંધનીય છે કે આ પહેલા ખેડૂતો નેતા રાકેશ ટીકૈતે કહ્યું હતું કે ખેડૂતો પોતાના ટ્રેક્ટર તૈયાર રાખે અને તેમ તેલ પણ નંખાવી લે. ખેડૂતો દિલ્હી માટે તૈયાર જ રહે.