જાણકારી! / બિગ બુલ પોતાની કમાણીના 25 ટકા દાન કરતા, જાણો કેટલી સંપતિ છોડીને ગયા રાકેશ ઝુનઝુનવાલા

• રાકેશ ઝુનઝુનવાલાનું 62 વર્ષની વયે નિધન
• કુલ નેટવર્થ લગભગ 46 હજાર કરોડ રૂપિયા
• કમાણીનો 25 ટકા હિસ્સો ચેરિટીમાં આપતા હતા

શેર બજારના રાકેશ ઝુનઝુનવાલાનું રવિવારે સવારે 62 વર્ષની વયે નિધન થયું હતું. ઝુનઝુનવાલા અનેક સ્વાસ્થ્ય સમસ્યાઓથી પીડાઈ રહ્યા હતા અને થોડા અઠવાડિયા પહેલા તેમને હોસ્પિટલમાંથી રજા આપવામાં આવી હતી. રાકેશ ઝુનઝુનવાલાની કુલ નેટવર્થ લગભગ 46 હજાર કરોડ રૂપિયા હતી. તે પોતાની કમાણીનો 25 ટકા હિસ્સો ચેરિટીમાં આપતા હતા.

કેન્સર પીડિતો માટેની સંસ્થામાં કરતા દાન
રાકેશ ઝુનઝુનવાલાના સ્ટોક પોર્ટફોલિયો વિશે તો સૌ કોઈ જાણે છે, પરંતુ તેમનો ચેરિટી પોર્ટફોલિયો ઘણો મોટો હતો. તે સ્વાસ્થ્ય અને શિક્ષણ માટે ઘણા પૈસા દાન કરતા હતા. રીપોર્ટ મુજબ ઝુનઝુનવાલા પોતાની કમાણીના 25 ટકા દાનમાં આપતા હતા. તેઓ સેન્ટ જુડમાં ફાળો આપે છે. આ સંસ્થા કેન્સર પીડિત બાળકો માટે કામ કરે છે.

વિદેશમાં પણ ઘણા ચેરીટીમાં દાન કરતા
ઝુનઝુનવાલા અગસ્ત્ય ઇન્ટરનેશનલ ફાઉન્ડેશન અને બાળકોમાં જાતીય શોષણ અંગે જાગૃતિ લાવવા માટે કામ કરતી સંસ્થા અર્પણાએ પણ તેને દાન આપ્યું હતું. તે અશોકા યુનિવર્સિટી, ફ્રેન્ડ્સ ઓફ ટ્રાઇબલ્સ સોસાયટી અને ઓલિમ્પિક ગોલ્ડ ક્વેસ્ટને પણ સપોર્ટ કરે છે. તે નવી મુંબઈમાં આંખની હૉસ્પિટલ બનાવવા જઈ રહ્યા હતા, જે દર વર્ષે 15,000 ફ્રી સર્જરી કરી શકશે.

5,000 રૂપિયાથી શરૂવાત કરેલ 
રાકેશ ઝુનઝુનવાલાએ 1985માં કોલેજમાં હતા ત્યારે શેરબજારમાં રોકાણ કરવાનું શરૂ કર્યું હતું. તે સમયે બીએસઇ સેન્સેક્સ 150 પોઇન્ટની આસપાસ હતો અને ઝુનઝુનવાલાએ માત્ર 5,000 રૂપિયાથી રોકાણ કરવાનું શરૂ કર્યું હતું. જો કે તે સમયે આ રકમ પણ ઘણી વધારે હતી.

આ વ્યક્તિને માનતા ગુરુ
ઘણા રોકાણકારો રાકેશ ઝુનઝુનવાલાને પોતાના ગુરુ તરીકે જુએ છે, પરંતુ ઝુનઝુનવાલા પણ કોઇને પોતાના ગુરૂ માનતા હતા. તેનું નામ રાધાકિશન દામાણી છે. ઝુનઝુનવાલા ડી-માર્ટના સ્થાપક રાધાકિશન દામાણીને પોતાના ગુરુ માનતા હતા અને તેમણે કહ્યું હતું કે તેમણે દામાણી પાસેથી ટ્રેડિંગની યુક્તિઓ શીખી છે.