હવાઈ મુસાફરી / વધુ એક એરલાઈન્સ શરુ થશે, રાકેશ ઝુનઝુનવાલાની અકાસા એરને મળ્યું સરકારી ઉડાણ લાઈસન્સ

• દેશમાં હવે રાકેશ ઝુનઝુનવાલાની શરુ થશે એરલાઈન્સ
• અકાસા એરને મળ્યું સરકારનું ઉડાણ લાઈસન્સ 
• જુલાઈના અંતિમ દિવસોમાં શરુ થશે અકાસા એરની ફ્લાઈટ 
• શેરબજારના દિગ્ગજ કારોબારી છે રાકેશ ઝુનઝુનવાલા

શેરબજારની દિગ્ગજ કંપની રાકેશ ઝુનઝુનવાલા સમર્થિત એરલાઇન અકાસા એરને સારા સમાચાર મળ્યા છે. કેન્દ્રીય નાગરિક ઉડ્ડયન મંત્રાલય હેઠળના ડીજીસીએ અકાસા એરને એરલાઇન ફ્લાઇટ સર્વિસ શરૂ કરવાનું લાઈસન્સ આપી દીધું છે. સરકારી લાઈસન્સ મળ્યાં બાદ હવે ગમે ત્યારે અકાસા એર તેની ફ્લાઈટ શરુ કરી શકે છે. 

Akasa Air gets Air Operator Certificate from aviation regulator DGCA; to start services in late July: Co statement

— Press Trust of India (@PTI_News) July 7, 2022

Akasa Air gets an airline license from DGCA. The airline can start operations: DGCA pic.twitter.com/zBeE3J2Vlk

— ANI (@ANI) July 7, 2022

ક્યારે શરુ થશે ફ્લાઈટ 
અકાસા એર જુલાઈના અંતિમ સપ્તાહ સુધી પોતાની પહેલી કોમર્શિયલ ફ્લાઈટ શરૂ કરે તેવું મનાઈ રહ્યું છે. એરલાઈન્સમાં 15 જુલાઈ બાદ ટિકિટનું બુકિંગ શરૂ થવાની આશા છે. હાલમાં જ એક ઈન્ટરવ્યૂ દરમિયાન અકાસા એરના સીઈઓ વિનય દુબેએ પણ આ વાતનો સંકેત આપ્યો છે.

લાઈસન્સ મળ્યાં બાદ ખુશ થયેલી અકાસાએ કર્યું ટ્વિટ 
સરકારનું ઉડાણ લાઈસન્સ મળ્યાં બાદ ખુશ થયેલી અકાસા એર દ્વારા એક ટ્વિટ કરવામાં આવ્યું હતું જેમાં જણાવાયું હતું કે 
અમને અમારા એર ઓપરેટર સર્ટિફિકેટ (એઓસી) પ્રાપ્ત થવાની જાહેરાત કરતા આનંદ થાય છે. આ એક મહત્વપૂર્ણ સીમાચિહ્નરૂપ છે. આનાથી અમે કમર્શિયલ ફ્લાઇટ શરૂ કરી શકીએ છીએ. 

We are pleased to announce the receipt of our Air Operator Certificate (AOC). This is a significant milestone, enabling us to open our flights for sale and leading to the start of commercial operations.

— Akasa Air (@AkasaAir) July 7, 2022

21 જૂન, 2022ના દિવસે અકાસા એરને મળ્યું પહેલું બોઈંગ વિમાન 
21 જૂન, 2022 ના રોજ, અકાસા એરનું પહેલું વિમાન બોઇંગ 737 મેક્સ દિલ્હી એરપોર્ટ પર ઉતર્યું હતું. આકાસા એરને 16 જૂને અમેરિકાના સિએટલમાં પ્રથમ વિમાન સોંપવામાં આવ્યું હતું. ગયા નવેમ્બરમાં અકાસા એર દ્વારા બોઇંગને ઓર્ડર આપવામાં આવેલા 72 બોઇંગ 737 મેક્સ વિમાનની આ પ્રથમ ડિલિવરી છે.

પીએમ મોદી પણ પ્રભાવિત છે રાકેશ ઝુનઝુનવાલાથી
ઉલ્લેખનીય છે કે રાકેશ ઝુનઝુનવાલા શેરબજારના દિગ્ગજ કારોબારી છે અને ત્યાં સુધી કે પીએમ મોદી પણ તેમનાથી ખૂબ પ્રભાવિત છે. આ પહેલા પીએમ મોદી અને ઝુનઝુનવાલાની એક તસવીરે દેશભરમાં ભારે ચર્ચા જગાવી હતી જેમાં ઝુનઝુનવાલા ખુરશીમાં અને પીએમ મોદી ઊભેલી હાલતમાં જોવા મળ્યાં હતા.