વડોદરા: CBIના સ્પેશિયલ ડિરેક્ટર રાકેશ અસ્થાના વિરુદ્ધ લાંચ લેવાના મામલે CBIના અધિકારીઓએ તપાસનો ધમધમાટ શરૂ કર્યો છે. CBI ના અધિકારીઓની 3 ટીમ વડોદરામાં પહોંચી છે. જ્યાં 16 જેટલા બિઝનેસમેનની 15-15 મિનિટ સુધી પૂછપરછ કરવામાં આવી છે.
રાકેશ અસ્થાનાએ તેમની દીકરીના લગ્નમાં કરેલા ખર્ચ અંગે પૂછપરછ કરવામાં આવી છે. મહત્વનું છે કે રાકેશ અસ્થાનાની પુત્રીના લગ્ન વડોદરાના લક્ષ્મી વિલાસ પેલેસમાં કરવામાં આવ્યા હતા. જેમાં રાકેશ અસ્થાનાએ અઢળક ખર્ચ કર્યો હતો.
આ મામલે CBIએ લગ્નમાં એડવાન્સથી લઈને ફાઈનલ પેમેન્ટ સુધીના દસ્તાવેજો જપ્ત કર્યા છે અને હાલ રાકેશ અસ્થાનાની અપ્રમાણસર મિલકતોનો તાગ મેળવાઈ રહ્યો છે. જેમાં કેટરર્સ રાજવી પરિવાર હોટલ માલિક ટ્રાન્સપોર્ટ સર્વિસ અને ફોટોગ્રાફરોની પૂછપરછ હાથ ધરવામાં આવી છે.
શું છે મામલો?
રાકેશ અસ્થાના સાથે કરોડોની લેતીદેતી થયાનો ઘટસ્ફોટ
ITના સર્ચમાં મળેલી ડાયરીમાં ઘટસ્ફોટ થયો
વર્ષ 2011ની ડાયરીની માહિતીથી ઘટસ્ફોટ
વડોદરા સ્ટર્લિગ ગૃપના સંચાલકો સાથે બેનામી વ્યવહાર થયાની ચર્ચા
રાકેશ અસ્થાના સાથે કરોડો રૂપિયાનો વ્યવહારનો ઉલ્લેખ
ડાયરેક્ટર અજય પંચાલની ડાયરીમાં સમગ્ર વ્યવહારનો ઉલ્લેખ
કરોડો રૂપિયાના બેનામી નાણાંકીય વ્યવહાર થયા
સ્ટર્લિંગ ગૃપના સંચાલકો સામે પણ ફરિયાદ
સંચાલક નીતિન સાંડેસરા ચેતન સાંડેસરા સામે ફરિયાદ
ડાયરેકટરો કર્મચારીઓ બેંકના અધિકારીઓ સામે ફરિયાદ
IAS IPS IRS કક્ષાના ઉચ્ચ અધિકારીઓ સાથે બેનામી વ્યવહાર કર્યો !
સ્ટર્લિગ ગૃપના સંચાલકોએ બેનામી નાણાકીય વ્યવહાર કર્યો !