સમીકરણ / રાજ્યસભામાં કોંગ્રેસ કરતા ભાજપની તાકાત બમણી થઇ, NDAને સ્પષ્ટ બહુમતિ માટે આટલા સાંસદોની જરૂર

• રાજ્યસભા કોંગ્રેસની શક્તિમાં મોટો ઘટાડો
• નવા 61 સાંસદો ઉમેરાતા ઉચ્ચ ગૃહના બદલાયા સમીકરણો
• રાજ્યસભામાં NDAના હવે 102 સાંસદો

હવે રાજ્યસભામાં NDAના ઘટકદળોની સંખ્યા 102 થઈ ગઈ છે. જ્યારે ભાજપ એકલા પાસે 85 સાંસદોનું સંખ્યાબળ છે. હવે NDAને સ્પષ્ટ બહૂમતિ માટે માત્ર 22 સાંસદોની જરૂર છે. તેમાં પણ ઘટાડો નવેમ્બરમાં થઈ જશે. નવેમ્બરમાં ઉત્તરપ્રદેશમાં 10 બેઠકો ખાલી થઈ રહી છે. હાલ ભાજપ પાસે યુપીમાં બંપર બહૂમતિ હોવાને કારણે ભાજપ 10માંથી 8 બેઠકો જીતી શકે છે. નવેમ્બર બાદ ભાજપને સ્પષ્ટ બહુમતિ માટે માત્ર 14 સાંસદોની જરૂર પડશે. 

બીજી તરફ કોંગ્રેસ પાસે માત્ર 40 સાંસદ રહી ગયા છે, અને યૂપીએ સાંસદોની સંખ્યા 65 છે. મતલબ ગૃહમાં નોન એનડીએ અને નોન યૂપીએ પક્ષોની મહત્વની ભૂમિકા બનેલી રહેશે.

રાજ્યસભામાં છેલ્લા કેટલાક વર્ષોમાં કોંગ્રેસ કમજોર થઇ છે. જ્યારે ભાજપ મજબૂત બની છે. રાજ્યસભામાં કોંગ્રેસની તાકાત ભાજપથી અડધી ગઇ છે, જ્યારે એનડીએના 100નો આંકડો પાર કરી બહુમતિ તરફ ડગલા વધાર્યા છે. જોકે, સરકાર હજુ બહુમતિથી 22 બેઠક દૂર છે.