રાજ્યસભામાં ગુરુવારે કૃષિ કાયદા પર વિપક્ષી હલ્લાબોલની વચ્ચે કોંગ્રેસ સાંસદ દિગ્વિજયસિંહ અને તેમના જુના સાથી અને ભાજપ નેતા જ્યોતિરાદિત્ય સિંધિયાની વચ્ચે એક મજેદાર જુગલબંધી જામી હતી.
રાજ્યસભામાં દિગ્વિજયસિંહ અન તેમના જુના સાથી જ્યોતિરાદિત્ય સિંધિયા વચ્ચે મજેદાર જુગલબંધી જામી
સિંધિયા યુપીએ સરકારમાં જે રીતે વાત રજૂ કરતા હતા તેવી જ ભાજપની વાત રજૂ કરી રહ્યાં છે, તેમને અભિનંદન
દિગ્વિજય સિંહની વાતથી સિંધિયા ચહેરા પર હાસ્ય રેલાયું કહ્યું બધા તમારા જ આશીર્વાદ છે
જ્યોતિરાદિત્ય સિધિયાએ મોદી સરકારની તરફેણ કરીને કોંગ્રેસને ઘેરવાનો પ્રયાસ કર્યો પરંતુ જ્યારે દિગ્વિજયસિંહનો બોલવાનો વારો આવ્યો ત્યારે તેમની વાતથી ગૃહમાં હાસ્યની છોળો ઉઠી હતી.
જ્યોતિરાદિત્ય સિંધિયા પછી દિગ્વિજય સિંહ બોલવા માટે ઊભા થયા ત્યારે તેમણે કહ્યું કે સભાપતિ મહોદય, હું તમારા માધ્યમ દ્વારા સિંધિયાને અભિનંદન આપવા માગું છું, જે સારી રીતે તેઓ યુપીએ સરકારમાં સરકારની વાત રજૂ કરતા હતા બરાબર તેવી જ સારી રીતે તેઓ આજે ભાજપની વાત રજૂ કરી રહ્યાં છે, તમને અભિનંદન આપું છું, વાહ મહારાજી જી વાહ,
સિંધિયાએ હાથ જોડીને આશીર્વાદ માગ્યા
દિગ્વિજય સિંહની આ વાતથી સિંધિયા ચહેરા પર હાસ્ય રેલાયું અને સિંધિયાએ હાથ જોડીને દિગ્વિજય સિંહને કહ્યું કે, બધા તમારા જ આશીર્વાદ છે, ત્યાર બાદ રાજ્યસભામાં હાસ્યનું મોજૂ ફેલાયું હતું. તમે જે પાર્ટીમાં રહો, આશીર્વાદ હમેંશા સાથે રહેશે
સિંધિયાની વાતનો હાસ્યથી જવાબ આપતા દિગ્વિજય સિંહે જવાબ આપ્યો કે, હમેંશા રહેશે, તમે જે પાર્ટીમાં રહો, આગળ જે પણ થાય, અમારો આશીર્વાદ તમારી સાથે છે અને રહેશે.
સિંધિયાએ પોતાના ભાષણ દરમિયાન સંકેતમાં ઈમરજન્સીનો ઉલ્લેખ કરીને કોંગ્રેસ પર હુમલો કર્યો હતો. તેમણે કહ્યું કે એક વ્યક્તિની વિનંતી પર બધા લોકોએ સ્વૈચ્છાએ લોકડાઉનનું પાલન કર્યું પરંતુ 1975 માં પણ એક એવું લોકડાઉન હતું જેને લોકો પર થોપવામાં આવ્યું હતું. તે દરમિયાન આખા દેશને જેલખાનું બનાવી દેવાયો. આ વાત હું અહીં ઊભો થઈને જે રીતે કહેતો હતો બરાબર એવી જ રીતે આજે પણ કહું છું. સત્ય છેવટે સત્ય જ હોય છે.
વડાપ્રધાન મોદીએ લીધેલા પગલાંને કારણે ભારત ઝડપથી કોરોનામાંથી બેઠો થયો
સિંધિયાએ કહ્યું કે 2019 નું વર્ષ ઘણું પડકારજનક રહ્યું છે પરંતુ વડાપ્રધાન મોદીની આગેવાનીમાં સરકાર દ્વારા ઉઠાવાયેલા પગલાંને કારણે સ્થિતિ ઘણી સુધરી. 60 દિવસની અંદર ભારતે મહત્વપૂર્ણ સફળતા હાંસલ કરી અને ભારત પીપીઈ કિટનો બીજો સૌથી મોટો ઉત્પાદક દેશ બની ગયો તથા એક વર્ષની અંદર તો કોરોનાની રસી પણ તૈયાર કરી લીધી.