BREAKING / હરિયાણા: રાજ્યસભા ચૂંટણીમાં ક્રોસ વોટિંગ કરનારા ધારાસભ્યને કોંગ્રેસે પાર્ટીમાંથી સસ્પેન્ડ કર્યા

• રાજ્યસભા ચૂંટણીમાં બળવો ભારે પડ્યો
• કોંગ્રેસ પાર્ટીએ આ ધારાસભ્યને સસ્પેન્ડ કર્યા
• રાજ્યસભા ચૂંટણીમાં કર્યું હતું ક્રોસ વોટિંગ

હરિયાણામાં રાજ્યસભા ચૂંટણીમાં ક્રોસ વોટિંગને લઈને ધારાસભ્ય કુલદીપ બિશ્નોઈ પર કોંગ્રેસે મોટા એક્શન લીધા છે. તેમને પાર્ટીમાંથી હાંકી કાઢવામાં આવ્યા છે. ચૂંટણીમાં અજય માકનની હાર બાદ કુલદીપ પર કાર્યવાહી થવાનું નક્કી હતું. કુલદીપ પાર્ટીથી ઘણા સમયથી નારાજ હતા. 

Congress expels party MLA Kuldeep Bishnoi from all his present party positions, with immediate effect.

Bishnoi had earlier cross-voted in Rajya Sabha polls in Haryana. pic.twitter.com/tjPdWyXAEi

— ANI (@ANI) June 11, 2022

એવી અટકળો પહેલાથી જ ચાલી રહી હતી કે કોંગ્રેસ કુલદીપ બિશ્નોઈને CWCના સભ્યપદમાંથી દૂર કરવાની તેમજ તેમને પાર્ટીમાંથી સસ્પેન્ડ કરવાની તૈયારી કરી રહી છે. આ ઉપરાંત વિધાનસભામાંથી સભ્યપદ રદ કરવા માટે સ્પીકરને પણ પત્ર લખવામાં આવશે. પરિણામ પછી, કોંગ્રેસના ધારાસભ્ય અને પાર્ટીના અધિકૃત પોલિંગ એજન્ટ બીબી બત્રાએ કહ્યું હતું કે, પાર્ટીના કુલદીપ બિશ્નોઈએ કાર્તિકેય શર્મા માટે 'ક્રોસ વોટિંગ' કર્યું હતું. તેથી આ ધારાસભ્યનો મત અમાન્ય જાહેર કરાયો હતો.

અજય માકન ચૂંટણી હારી ગયા

કુલદીપ બિશ્નોઈ રાહુલ ગાંધીના નજીકના માનવામાં આવે છે. તેમનું બળવાખોર વલણ કોંગ્રેસ માટે એટલું ભારે હતું કે, ભૂતપૂર્વ કેન્દ્રીય પ્રધાન અને પક્ષના જાણીતા નેતા અજય માકન ચૂંટણી હારી ગયા હતા. માકનને ભાજપ સમર્થિત અપક્ષ ઉમેદવાર કાર્તિકેય શર્માએ ટક્કરમાં હરાવ્યા હતા.