રાજ્યસભાની ચૂંટણી પહેલા કોંગ્રેસના બે ધારાસભ્યએ રાજીનામા આપી દીધા છે. જેના કારણે કોંગ્રેસને રાજ્યસભાની બીજી સીટ જીતવી મુશ્કેલ થઈ ગઈ છે.. બે ધારાસભ્યના રાજીનામા બાદ ગણિત બદલાઈ ગયું છે. હવે વિધાનસભાની સ્ટ્રેન્થ 173 સભ્યની છે. રાજ્યસભામાં જીત માટે 35 મતની જરૂર છે. ભાજપ પાસે 103 સભ્ય અને NCPના એક સભ્યનો ટેકો છે. તો કોંગ્રેસના સભ્ય સંખ્યા ઘટીને 66 પર પહોંચી છે. જિગ્નેશ મેવાણી કોંગ્રેસ સાથે હોવાથી સંખ્યા 67 સુધી જઈ શકે છે. જો BTPના બે ધારાસભ્ય મત આપે તો પણ કોંગ્રેસ 69 સુધી સમિતિ રહી શકે. વોટની સંખ્યામાં કોંગ્રેસ કરતા ભાજપનું પલડું ઘણુ ભારે છે. બીટીપી તટસ્થ રહે તો પણ ભાજપની જીત થઈ શકે છે
શું છે રાજ્યસભાની ચૂંટણી ફોર્મ્યુલા
ભાજપને 3 બેઠક જીતવા કેટલા મત જોઈએ?
કોંગ્રેસની જીત અઘરી
શું છે રાજ્યસભાની ફોર્મ્યુલા
જેટલી બેઠક હોય તેમાં 1 ઉમેરી કુલ બેઠકને ભાગો એટલે તમને એકડાના ઉમેદવારની જીતનો આંકડો મળશે. રાજ્યસભાનું ગણિત ગણવા માટે જેટલી બેઠકોની ચૂંટણી હોય તેમાં 1 ઉમેરવો પડે. આપણે ત્યાં 4 ખાલી થઈ રહી છે તેમાં એક ઉમેરતા એ સંખ્યા 5 આવે. હાલમાં ભાજપ, કોંગ્રેસ અને તમામ ધારાસભ્યો મળતા વિધાનસભાની 173ની સંખ્યા છે. 180 ધારાસભ્યોની હાજરી હતી તેમાંથી કોંગ્રેસના 7 સભ્યોએ રાજીનામાં આપ્યા જેને કારણે હાલ દ્વારકા અને મોરવા હડફ બેઠકના ધારાસભ્યોને ગેરલાયક ઠેરવાયા છે. એટલે કે હાલમાં 173 ધારાસભ્યોની હાજરી છે.
હવે ગણિત સમજીએ તો 173 ધારાસભ્યો છે અને 4 રાજ્યસભાની બેઠકો માટે ચૂંટણી થવાની છે. 4માં એક ઉમેરીએ એટલે સંખ્યા આવે 5. ધારાસભ્યોની 173 સંખ્યાને 5 વડે ભાગવાની થાય જે ભાગતા 34.6 એટલે 35 મત આવે એટલે એક રાજ્યસભાની બેઠક જીતવા 35 મત જોઈએ.
ભાજપને 3 બેઠક જીતવા કેટલા મત જોઈએ?
ભાજપના 3 ઉમેદવાર એટલે તેમને 105 મત જોઈએ. હાલ ભાજપ પાસે 103 મત છે. BTPના 2 મત અને NCPનો એક મત મેનેજ થાય એટલે ભાજપ જીતે છે એ પાક્કુ.
કોંગ્રેસની જીત અઘરી
કોંગ્રેસમાં 73 ધારાસભ્યો હતા જેમાંથી 7ના રાજીનામાં પડી ચુક્યા છે એટલે હવે કોંગ્રેસ પાસે માત્ર 66 જ ધારાસભ્યો છે. અપક્ષના જીગ્નેસ મેવાણી સહિત ગણીએ તો હાલ ભાજપ પાસે 67 મત છે. એટલે ભાજપનો પહેલો ઉમેદવાર એકડાના ગણિત પર જીતી જાય પણ ભરત સોલંકીની જીત શક્ય નથી. પણ બીજા ઉમેદવારને બગડો જ લખવો પડે. કોંગ્રેસના 67માંથી 35 બાદ કરતા કોંગ્રેસના બગડા 32 થાય જ્યારે ભાજપના બગડા 69 મત વધે. એટલે બગડાના ગણિતમાં કોંગ્રેસની હાર પાક્કી છે.