ગાંધીનગર / રાજ્યમાં રાજ્યસભાની 4 બેઠકો પર 26 માર્ચે ચૂંટણી, જાણો કોની પૂરી થઈ રહી છે ટર્મ

• રાજ્યમાં 26 માર્ચે રાજ્યસભાની ચૂંટણી યોજાશે
• ગુજરાતની રાજ્યસભાની 4 બેઠક માટે યોજાશે ચૂંટણી 
• ભાજપ-કોંગ્રેસેમાંથી કોણ મારશે બાજી?

આગામી 26 માર્ચે ગુજરાતની 4 રાજ્યસભાની બેઠક માટે મતદાન યોજાશે. રાજ્યસભાની બેઠકને લઇને ભાજપના 3 અને કોંગ્રેસના 1 સભ્યની મુદ્દત પુરી થવા જઇ રહી છે. જેને લઇને 4 બેઠકો માટે મતદાન યોજાશે. 
 

રાજ્યસભામાંથી જે સભ્યો મુદ્દત પુરી થઇ રહી છે તેમાં ચુનીભાઇ ગોહેલ, મધુસુદન મિસ્ત્રી, લાલસિંહ વાડોદીયા, શંભુપ્રસાદ ટુંડિયાની ટર્મ પુરી થઇ જતાં ચૂંટણી યોજાશે. 

જો કે વિશ્લેષકોના મતે લોકસભામાં નબળી પડેલી કોંગ્રેસને હવે રાજ્યસભામાંથી પણ હાથ ધોવાનો વારો આવી શકે છે. હવે રાજ્યસભામાં પણ વિપક્ષ નબળું પડી શકે છે. ચાલુ વર્ષે રાજ્યસભાની 68 બેઠકો પર ચૂંટણી યોજાવાની છે. જેમાં વિપક્ષી પાર્ટી કોંગ્રેસને કેટલીક સીટો ગુમાવવી પડી શકે છે. બીજી તરફ કોંગ્રેસના નુકસાનનો ફાયદો NDAને મળી શકે છે.
 

કેટલાક રાજ્યમાં કોંગ્રેસની ક્ષમતા ઓછી હોવાના કારણે રાજ્યસભા માટે યોજાનાર ચૂંટણીમાં સામેલ 19 બેઠકમાંથી 9 બેઠકો ગુમાવવી પડી શકે છે.  બીજી તરફ એવી પણ અટકળો તેજ થઈ ગઈ છે. કે પ્રિયંકા ગાંધી, જ્યોતિરાદિત્ય સિંધિયા અને રણદીપ સુરજેવાલા જેવા મોટા નેતાઓને રાજ્યસભામાં મોકલવા અંગે કોંગ્રેસ વિચાર કરી રહ્યું છે.
 

સત્તારુઢ NDAની સ્થિતિ મજબૂત થઈ રહી છે. રાજ્યસભાની 51 સીટ એપ્રિલ મહિનામાં ખાલી થઈ હી છે. જ્યારે જુનમાં 5, જુલાઈમાં 1 અને નવેમ્બરમાં 11 બેઠક ખાલી થશે. બીજી તરફ ઉત્તરપ્રદેશ અને ઉત્તરાખંડમાં ભાજપને ફાયદો થશે.