રાજ્યસભાનાં રણમેદાનમાં ભારતનાં મોટા નેતાઓની શાખ આજે દાવ પર છે. જ્યારથી રાજ્યસભા ચૂંટણીની જાહેરાત થઇ ત્યારથી જ દેશના વિવિધ રાજ્યોમાં ધારાસભ્યોની ખરીદ વેચાણ અને રિસોર્ટ પોલિટિક્સ થઇ રહી હતી જે બાદ આજે મતદાન થઇ ગયું છે. એવામાં મતદાન બાદ મેદાનમાં ઉતરેલા ઉમેદવારો પોત-પોતાના દાવા કરી રહ્યા છે ત્યાં ગુજરાતમાં ક્રોસ વોટિંગના ભય વચ્ચે BTPના 2 વોટ માટે ભાજપ-કોંગ્રેસે એડીચોટીનું જોર લગાવ્યું પણ તે કામમાં ન આવ્યું. રાજ્યસભાની ચૂંટણીમાં ભાજપના ત્રણ ઉમેદવારોની જીત નક્કી જોવા મળી રહી છે.
આજે 8 રાજ્યની 19 બેઠક માટે ચૂંટણી
ગુજરાતમાં રાજ્યસભાની ચાર બેઠક માટે મતદાન સંપૂર્ણ
વિવિધ રાજ્યોથી પરિણામ આવવાની શરૂઆત
ગુજરાતમાં મતગણતરીમાં વિલંબ થયો
Live Updates :
આંધ્રપ્રદેશમાં રાજ્યસભા ચૂંટણીમાં YSRCPએ બાજી મારી છે. આ પાર્ટીએ ચારેય રાજ્યસભા બેઠક પર જીત નોંધાવી છે.
મધ્યપ્રદેશમાં ત્રણ રાજ્યસભા બેઠકમાંથી બે પર ભાજપ અને એક બેઠક પર કોંગ્રસનો વિજય થયો.
મેઘાલયમાં એકમાત્ર રાજ્યસભા બેઠક પર નેશનલ પીપલ્સ પાર્ટીના ઉમેદવાર WR ખરલુખીએ જીત નોંધાવી છે. CM કોનરાડ સાંગમાં એ પણ ટ્વીટ કરીને તેમને શુભકામનાઓ પાઠવી
રાજસ્થાનમાં રાજ્યસભા ચૂંટણીને લઈને મતગણતરી ખતમ થઇ ગઈ છે, હજુ અધિકારીક જાહેરાત બાકી છે પણ જાણકારી અનુસાર બે બેઠક પર કોંગ્રેસે બાજી મારી છે જ્યારે એક બેઠક પર ભાજપનો ઉમેદવાર વિજયી થયા છે. કોંગ્રેસ તરફથી વેણુગોપાલ અને નીરજ ડાંગી જીત્યા જ્યારે ભાજપ તરફથી રાજેન્દ્ર ગહેલોત વિજયી રહ્યા. ભાજપના ઓંકાર સિંહ લખાવત રાજ્યસભા ચૂંટણી હારી ગયા છે.
કોરોના કાળમાં રાજ્યસભાની ચૂંટણી માટે આજે મતદાન થઇ રહ્યું છે, એવામાં વિવિધ રાજયોમાં રાજનીતિ સાતમા આસમાને છે. વિવિધ પાર્ટીઓ દ્વારા જોડતોડની રાજનીતિ અને એક બીજા પર આરોપ-પ્રત્યારોપની રાજનીતિ થઇ રહી છે. એવામાં હવે આજે આઠ રાજ્યોમાં 19 ઈટો પર મતદાન થઇ ગયું છે. આ ચૂંટણીમાં ભાજપ અને કોંગ્રેસના મોટા ચહેરાઓની શાખ દાવ પર છે.
ઝારખંડમાં બે રાજ્યસભા બેઠક પર ઝારખંડ મુક્તિ મોરચાનાં રાષ્ટ્રીય અધ્યક્ષ અને ભાજપના પ્રદેશ અધ્યક્ષની જીત નિશ્ચિત
મધ્ય પ્રદેશમાં BSP અને SP બંનેના ધારાસભ્યોએ કોંગ્રેસને વોટ આપ્યા
રાજ્યસભાની ચૂંટણીમાં અત્યાર સુધી કોંગ્રેસ અને ભાજપના 170 ધારાસભ્યોએ મતદાન કર્યુ છે. BTPના છોટુ વસાવા અને મહેશ વસાવા મતદાન નહી કરે. BTPના ધારાસભ્યોને ભાજપ મતદાન ન કરાવવામાં સફળ રહ્યુ છે. ભાજપની જીત પાક્કી થઈ છે. મતદાન પૂર્ણ જાહેર થતાં ટુંક જ સમયમાં મતગણતરી શરૂ થશે.
બહુજન સમાજ પાર્ટીમાંથી કોંગ્રેસમાં સામેલ થયેલ ધારાસભ્ય વાજિદ અલી આજે ઑસ્ટ્રેલીયાથી સીધા વિધાનસભા વોટ નાખવા પહોંચ્યા. જે બાદ ભાજપે આ મુદ્દે વિરોધ કરતા કહ્યું કે આ 14 દિવસ કૉરોન્ટાઇનમાં રહવાનું ઉલ્લંઘન છે, અમે ચૂંટણીપંચમાં ફરિયાદ કરીશું
ગુજરાતમાં આજે રાજ્યસભાની 4 બેઠકો માટે ચૂંટણી યોજાઈ છે જેમાં ગુજરાત વિધાનસભાના ધારાસભ્યો દ્વારા મતદાન થઈ રહ્યુ છે ત્યારે CM રૂપાણી પણ મત આપવા પહોંચ્યા હતા અને તેમણે હું કાર કરતા જણાવ્યું હતુ કે, કોંગ્રેસ હાર ભાળી ગઈ છે. ચૂંટણી મોકૂફ રાખવા કોંગ્રેસ સુપ્રીમમાં ગઈ છે. ભાજપના ત્રણેય ઉમેદવારો જીતશે. છોટુ વસાવા આદિવાસી નેતા છે. ભાજપે આદિવાસીઓ માટે ઘણા કામ કર્યા. BTPના મત પણ ભાજપને જ મળશે.
ગુજરાતમાં BTPએ થોભો અને રાહ જુઓની નીતિ અપનાવી
VTV પાસે BTPની રણનીતિને લઈને એક્સક્લુઝિવ માહિતી છે. જેમાં એવું કહેવાય છે કે BTP તક જોઈને છેલ્લે કોને મત આપવો તે નક્કી કરશે. એટલે કે જો કોંગ્રેસ પાસે નંબર હશે તો BTP કોંગ્રેસ બાજુ જશે. જેમાં જો ભરતસિંહ જીતની નજીક હશે તો BTPનો મત ભરતસિંહને જશે તેમ સૂત્રો દ્વારા જાણવા મળી રહ્યું છે. મહત્વનું છે કે BTP 3 વાગ્યા પછી મતદાન કરવાનું છે. ત્યારે એવું પણ કહેવાય છે કે જો BTPના મતથી કોંગ્રેસ જીતતી હશે તો મત આપશે. ત્રણ વાગ્યા સુધી BTP કોંગ્રેસના નંબર ગેમની રાહ જોશે અને જો કોંગ્રેસ નંબર ગેમમાં પાછળ જશે તો મત ભાજપને જશે.
ક્યાં કેટલા ઉમેદવાર
મધ્યપ્રદેશમાં રાજ્યસભાની 3 બેઠક પર 4 ઉમેદવાર મેદાનમાં છે. ભાજપ અને કોંગ્રેસ બનંએ બે-બે ઉમેદવારો મેદાનમાં ઉતાર્યાં છે. ગુજરાતમાં ચાર બેઠકો માટે પાંચ ઉમેદવાર મેદાનમાં છે. જેમાં ભાજપના ત્રણ અને કોંગ્રેસના બે ઉમેદવાર છે.
રાજસ્થાનમાં રાજ્યસભાની ત્રણ બેઠક માટે 4 ઉમેદવાર છે. કોંગ્રેસ અને ભાજપ પાર્ટીએ બંને તરફથી બે-બે ઉમેદવાર મેદાનમાં છે. ઝારખંડમાં રાજ્યસભાની 2 બેઠક પર 3 ઉમેદવારની કિસ્મત દાવ પર લાગી છે. પૂર્વોત્તરમાં મણિપુર, મેઘાલય અને મિઝોરમમાં એક-એક રાજ્યસભાની બેઠક માટે ચૂંટણી યોજાશે.
રાજ્યસભામાં એનડીએ પાસે 91 જ્યારે યુપીએ પાસે 61 બેઠક
રાજ્યસભામાં અત્યારે એનડીએની પાસે 91 બેઠક છે, જ્યારે યુપીએ પાસે 61 બેઠક છે. 68 રાજ્યસભાના સભ્ય એવા છે કે જે કોઇ ગઠબંધન સાથે જોડાયેલ નથી.
ગુજરાતમાં રાજ્યસભાની ચાર બેઠક માટે મતદાન
ગુજરાતમાં રાજ્યસભાની ચાર બેઠક માટે મતદાન થઇ રહ્યું છે. ગાંધીનગરમાં રાજ્ય વિધાનસભાના બધા લોકોના તાપમાનની તપાસ કરવામાં આવી રહી છે અને તેમના હાથ સેનેટાઇઝ કરવામાં આવી રહ્યાં છે.
ગુજરાતમાં ત્રણ ધારાસભ્યો પ્રોકસી વોટ કરશે
ગુજરાતમાં ભાજપના ત્રણ ધારાસભ્ય કેસરી સિંહ, પુરષોત્તમ સોલંકી અને શંભુજી ઠાકોર પ્રોક્સી મતનો ઉપયોગ કરશે.