ગુજરાતમાં 4 બેઠક ઉપર આ ચુંટણી થવાની છે જેમાં ભાજપાની 3 અને કોંગ્રેસની 1 બેઠક પર ચુંટણી થવાની છે. ત્યારે ભાજપ ચોટલી બાંધીને હોમવર્ક કરવા તૈયાર બેઠુ છે. જો કે આ અંગેની તેની રણનીતિ શું હશે તે અમુક ભાજપના જ કાર્યકરોને ખબર ન હોવાનો ગણગણાટ થઈ રહ્યો છે.
ભાજપમાં નવા સંગઠન માટે મંથન, કમલમ ખાતે બેઠક
રાજ્યસભાની ચૂંટણીને લઇ ચર્ચા
પ્રદેશ સંગઠનના નેતૃત્વ વિશે થશે ચર્ચા
ભાજપમાં નવા સંગઠન માટે આજથી મંથન શરૂ કરાશે. આજે કમલમ ખાતે બેઠક મળવાની છે. ભાજપ પ્રભારી ભુપેન્દ્ર યાદવ અને મંત્રી વી.સતીશ આગેવાનીમાં બેઠક મળશે. જેમાં રાજ્યસભાની ચૂંટણીને લઇને પણ થશે ચર્ચા.
હોળી પછી મળશે શુભ સમાચાર?
આ ઉપરાંત સ્ટેટ પાર્લામેન્ટરી બોર્ડ અને કોર ગ્રુપની પણ બેઠક મળશે. જેમાં પ્રદેશ સંગઠનમાં સુકાન સોંપવા પર ચર્ચા કરવામાં આવી શકે છે. પ્રદેશ સંગઠનમાં સુકાન સોંપવા ભાજપ હોળી પછી નિર્ણય લઇ શકે છે.
ગુજરાતમાં કેટલી બેઠક માટે ચુંટણી થશે?
ગુજરાતમાં 4 બેઠક ઉપર આ ચુંટણી થવાની છે જેમાં ભાજપાની 3 અને કોંગ્રેસની 1 બેઠક પર ચુંટણી થવાની છે.
કયા કયા સાંસદની ટર્મ પુરી થાય છે?
ટુંડિયા મહંત શંભુપ્રસાદજી (ભાજપ)
વડોદિયા લાલસિંહ (ભાજપ)
ગોહેલ ચુનીભાઇ (ભાજપ)
મધુસુદન મિસ્ત્રી (કોંગ્રેસ)
શું કહે છે બંધારણ
ભારતીય બંધારણ પ્રમાણે રાજ્યસભાનાં 250 સભ્યો હોય છે. જેમાં ગુજરાતમાંથી 11 સભ્યો ગુજરાતનું પ્રતિનિધિત્વ કરે છે. રાજ્યસભાનું ક્યારેય વિસર્ઝન નથી થતું. ન તેની એક સાથે ચુંટણી થાય છે. રાજ્યસભાનું માળખું એ રીતે નક્કી કરાયુ છે કે, દર 2 વર્ષે 250માંથી 1/3 સાંસદોની ચુંટણી યોજાય. સાંસદોની મુદ્દત 6 વર્ષની હોય છે.