BIG BREAKING / સંસદમાં હોબાળો: લોકસભા બાદ હવે રાજ્યસભામાંથી 19 સાંસદો એક અઠવાડીયા માટે સસ્પેન્ડ, સેક્શન 256 અંતર્ગત થઈ કાર્યવાહી

• સંસદમાં ચાલી રહ્યું છે ચોમાસુ સત્ર
• રાજ્યસભામાંથી ઉપસભાપતિએ 19 સાંસદોને સસ્પેન્ડ કર્યા
• અગાઉ લોકસભામાંથી કોંગ્રેસના 4 સાંસદોને પણ સસ્પેન્ડ કર્યા હતા

રાજ્યસભાના 19 સભ્યોને એક અઠવાડીયા માટે સસ્પેન્ડ કરી દેવામાં આવ્યા છે. તેમાં મૌસમ નૂર, એલ.યાદવ, વી. શિવાદાસન, અબીર રંજન બિસ્વાસ, સુષ્મિતા દેવ, શાંતા છેત્રી, મોહમ્મદ અબ્દુલ્લાહ, એએમ રહીમ, કનિમોઝી, ડો. શાંતનુ સેન, નદીમ ઉલ હક અને ડોલા સેનાના નામ સામેલ છે. રાજ્યસભા સાંસદોને સદનના વેલમાં પ્રવેશ કરીને સૂત્રોચ્ચાર કરવા બાદ સસ્પેન્ડ કરી દેવામાં આવ્યા છે. 

સસ્પેન્ડ કરાયેલા અન્ય સાંસદો આર. વદ્દીરાજૂ, એસ કલ્યાણાસુંદરમ, આર ગિરરંજન, એનઆર ઈલાંગો, એમ શણમુગમ, દામોદર રાવ દિવાકોંડા અને પી સંદોષ કુમાર છે. રાજ્યસભા સભાપતિએ આકરુ વલણ અપનાવી હોબાળો મચાવનારા આ સાંસદોને આ અઠવાડીયા પુરતા સસ્પેન્ડ કર્યા છે. 

TMC MPs Sushmita Dev, Dr Santanu Sen and Dola Sen among other Rajya Sabha MPs suspended for remaining part of the week for "misconduct" by entering well of the House and sloganeering

House adjourned for next 20 minutes pic.twitter.com/dIJkjR6hHe

— ANI (@ANI) July 26, 2022

સસ્પેન્ડ કરાયેલા કોંગ્રેસ સાંસદોના ધરણા

કોંગ્રેસના ચાર લોકસભા સાંસદો, મણિકમ ટૈગોર, રામ્યા હરિદાસ, ટીએન પ્રતાપન અને એસ જ્યોતિ મણિ. જેમને સોમવારે ચોમાસુ સત્રના બાકીના દિવસો માટે સસ્પેન્ડ કરી દેવામાં આવ્યા છે. આ સાંસદો પોતાના સસ્પેનશન વિરુદ્ધ વિરોધ પ્રદર્શન કરી રહ્યા છે. આ સાંસદોની સાથે ડાબેરી, રાકાંપા, દ્રમુક અને કોંગ્રેસના અન્ય નેતાઓ પણ જોડાયા છે.