રાજુ શ્રીવાસ્તવ હજુ પણ વેન્ટિલેટર સપોર્ટ પર છે અને તેની હાલત નાજુક છે એવું જાણવા મળ્યું છે.
રાજુ શ્રીવાસ્તવ હજુ પણ વેન્ટિલેટર સપોર્ટ પર છે
હવે કઈં ન કહી શકાય - AIIMSના ડૉક્ટરે કહ્યું
હજુ સુધી ન ભાનમાં નથી આવ્યા રાજુ શ્રીવાસ્તવ
કોમેડિયન રાજુ શ્રીવાસ્તવને હાર્ટ એટેક આવતા તેમને દિલ્હીની એમ્સ હોસ્પિટલમાં દાખલ કરવામાં આવ્યા હતા. રાજુ શ્રીવાસ્તવની તબિયતમાં સતત વધ-ઘટ જોવા મળી રહી છે. કોમેડિયન રાજુ શ્રીવાસ્તવના સ્વાસ્થ્યને લઈને દરરોજ કોઈને કોઈ સમાચાર આવી રહ્યા છે. તેઓ છેલ્લા 35 દિવસથી હોસ્પિટલમાં દાખલ છે અને હજુ સુધી હોશમાં આવ્યા નથી. રાજુ શ્રીવાસ્તવ જલ્દી સ્વસ્થ થઈને ઘરે પરત ફરે એ માટે એમના ચાહકો દરરોજ પ્રાર્થના કરી રહ્યા છે . જો કે જણાવી દઈએ કે રાજુ શ્રીવાસ્તવ હજુ પણ વેન્ટિલેટર સપોર્ટ પર છે અને તેની હાલત નાજુક હોવાનું કહેવાય છે.
હજુ સુધી ન ભાનમાં નહીં આવ્યા રાજુ શ્રીવાસ્તવ
35 દિવસથી દિલ્હીની AIIMS હોસ્પિટલના ICU વોર્ડમાં દાખલ રાજુ શ્રીવાસ્તવના સ્વાસ્થ્યને લઈને તેનો પરિવાર અને ચાહકોને ચિંતિત છે. હાર્ટ એટેક આવ્યા પછીથી હજુ સુધી રાજુ શ્રીવાસ્તવ બેભાન ચ . તેઓ ક્યારે સ્વસ્થ થઈને ઘરે પરત ફરી શકશે તે અંગે AIIMSના ડૉક્ટરોએ કોઈ સ્પષ્ટ જવાબ આપ્યો નથી.
હવે કઈં ન કહી શકાય - AIIMSના ડૉક્ટરે કહ્યું
રાજુ શ્રીવાસ્તવની હાલત પર ડૉક્ટરોએ હાલ કહ્યું હતું કે, 'હવે કંઈ કહી શકાય નહીં.' ડોક્ટરોના આવા નિવેદન સામે આવ્યા બાદ તેનો પરિવાર અને ચાહકો ખૂબ જ ડરી ગયા છે. આવનાર દિવસોમાં તેમની તબિયતમાં કોઈ સુધારો થાય એવી પ્રાથના દરેક લોકો કરી રહ્યા છે.
સોશિયલ મીડિયા પર લોકો ડૉક્ટરોને રાજુ શ્રીવાસ્તવના સ્વાસ્થ્યને લઈને એક હેલ્થ અપડેટ સત્તાવાર નિવેદન જારી કરવા વિનંતી કરી રહ્યા છે પણ આ વિશે કોઈ ધ્યાન આપી રહ્યું નથી. થોડા દિવસો પહેલા બોલિવૂડ એક્ટર અને રાજનેતા શત્રુઘ્ન સિન્હાએ ટ્વીટ કરીને રાજુ શ્રીવાસ્તવની તબિયત અંગે AIIMSના ડોક્ટરોને નવેસરથી બુલેટિન જારી કરવાની અપીલ કરી હતી.
હજુ પણ વેન્ટિલેટર સપોર્ટ પર રાજુ શ્રીવાસ્તવ
થોડા દિવસો પહેલા એવા અહેવાલ આવ્યા હતા કે ડોક્ટરોએ રાજુ શ્રીવાસ્તવને વેન્ટિલેટર સપોર્ટ પરથી હટાવી દીધા છે પણ તમને જણાવી દઈએ કે આ અહેવાલો સંપૂર્ણપણે ખોટા હતા. એ સમયે રાજુ શ્રીવાસ્તવના પરિવારે આ સમાચારને અફવા ગણાવી હતી. જો કે હાલ AIIMSના ડૉક્ટરો પણ કહી રહ્યા છે કે જ્યાં સુધી રાજુ શ્રીવાસ્તવ ભાનમાં ન આવે ત્યાં સુધી તેમને વેન્ટિલેટર પરથી હટાવી શકાય નહીં.