ફિલ્મમેકર વિનોદ કાપડીએ કોમેડિયન રાજુ શ્રીવાસ્તવનો એક વીડિયો શૅર કર્યો છે જેમાં તે સૈફ અલી ખાન અને એમેઝોન પ્રાઇમ પર આવેલી વૅબ સિરીઝ તાંડવને લઇને પોતાની ભડાસ કાઢતા દેખાઇ રહ્યાં છે. રાજૂનો આ વીડિયો ખુબ જ વાયરલ થઇ રહ્યો છે. રાજૂનો આ વીડિયો જોઇને વિનોદ કાપડીએ કેપ્શનમાં લખ્યું કે, જ્યારે કોમેડી ટ્રેજેડીમાં બદલાઇ જાય છે.
રાજુ શ્રીવાસ્તવે ઉઠાવ્યા સૈફ પર પ્રશ્નો
સોશ્યલ મિડીયા પર થઇ રહ્યો છે ટ્રોલ
તાંડવને લઇને વિવાદ સર્જાયો છે
સોશ્યલ મિડીયા પર પણ લોકો રાજુ શ્રીવાસ્તવના વીડિયો પર કમેન્ટબાજી કરી રહ્યાં છે. કેટલાક લોકો રાજૂને તેમના વીડિયો માટે ટ્રોલ પણ કરી રહ્યાં છે. કેટલાક લોકો તો કહી રહ્યાં છે તે તે પોતાની કોમેડીમાં કેટલીક વાર દેવી દેવતાઓના નામ લઇ ચૂક્યા છે. તો અન્ય યુઝર્સે કહ્યું કે રાજૂ તાંડવની આડમાં જબરજસ્તી સૈફ પર ભડક્યા છે.
રાજૂ શ્રીવાસ્તવ વીડિયોમાં કહી રહ્યાં છે કે, દરેક વખતે સિરીઝમાં સૈફ અલી ખાન જ આ હરકત કરે છે. તેને કોઇ રોકનાર નથી, કોઇ કાયદા કાનૂન નથી. હિન્દુ ધર્મ સહિષ્ણુ છે, હિન્દુ લોકોનું હ્રદય ખુબ મોટુ છે. માફ કરતા જઇ રહ્યાં છે અને ક્ષમા કરી રહ્યાં છે, હવે સમય આવી ગયો છે હિન્દુઓ જાગો. તમારે જાગવું પડશે અને હવે માગ થઇ રહી છે કે સિરીઝમાંથી આ સીનને હટાવી દેવામાં આવે. એવો કાયદો બનાવવો જોઇએ જેમાં બીજી વાર કોઇ આ પ્રકારની હરકત ન કરી શકે.
એક યુઝરે રાજૂ પર પલટવાર કરતા તેનો જ એક વીડિયો કમેન્ટ બોક્સમાં શૅર કર્યો અને લખ્યું કે, મેં કરુ તો સાલા કેરેક્ટર ઢીલા હૈ. વીડિયોમાં રાજૂ જોક બોલતા દેખાઇ રહ્યો છે અને કહી રહ્યો છે કે ભગવાન રામ મિડીયામાં હોત તો શું થાત. આ જ એક્ટમાં તે શૂર્ણપંખાને લઇને મજાક કરતો દેખાઇ રહ્યો છે. આ વીડિયો પર એક યુઝરે કહ્યું કે, રાજુએ કોઇના સેન્ટિમેન્ટ હર્ટ ન કરવા જોઇએ.
એક યુઝરે કહ્યું કે, રાજૂ શ્રીવાસ્તવ આજે આસ્થાના અપમાનને લઇને તાંડવ સિરીઝ બનાવવાવાળા પર ભડક્યા છે એટલે અમે તે વીડિયો શોધી કાઢ્યો છે જેમાં તે પોતે આ પ્રકારની ટિપ્પણી કરી રહ્યાં છે.