અપડેટ / કોમેડિયન રાજૂ શ્રીવાસ્તવની તબિયતને લઈને અપડેટ: મેનેજરે આપ્યા મોટા સમાચાર, જુઓ કેવી છે હાલત

• રાજૂ શ્રીવાસ્તવ થઈ રહ્યા છે રિકવર 
• મેનેજરે આપી જાણકારી 
• હાલમાં વેન્ટિલેટર પર જ છે રાજૂ શ્રીવાસ્તવ 

રાજૂ શ્રીવાસ્તવ થઈ રહ્યા છે રિકવર 

કોમેડિયન રાજૂ શ્રીવાસ્તવની દિલ્હી એમ્સમાં સારવાર ચાલી રહી છે. જણાવાઈ રહ્યું છે કે રાજૂ શ્રીવાસ્તવની સ્થિતિ હાલમાં સ્થિર છે. તેઓ રિકવર થઈ રહ્યા છે. જણાવી દઈએ કે રાજૂ શ્રીવાસ્તવ હાલમાં આઈસીયૂમાં જ છે અને હજુ સુધી તેઓ ભાનમાં આવ્યા નથી. ગયા 15 દિવસોથી રાજૂ શ્રીવાસ્તવ બેભાન છે. આ વચ્ચે રાજૂ શ્રીવાસ્તવનાં મેનેજરે તેમની હેલ્થ સાથે જોડાયેલ અપડેટ આપી છે. રાજૂ શ્રીવાસ્તવનાં મેનેજરે જણાવ્યું કે કોમેડિયનની સ્થિતિ અત્યારે સ્ટેબલ છે. તેઓ ધીરે ધીરે રિકવર થઈ રહ્યા છે. 

ડૉક્ટર લઈ રહ્યા છે ખાસ સંભાળ 
જણાવી દઈએ કે રાજૂ શ્રીવાસ્તવનાં મેનેજરે જણાવ્યું કે એમ્સમાં ડૉક્ટર પણ તેમની સ્થિતિ પર ખાસ ધ્યાન રાખી રહ્યા છે. અત્યારે રાજૂ શ્રીવાસ્તવ વેન્ટિલેટર પર છે અને તેમને ભાન આવ્યું નથી. નોંધનીય છે કે તેમના પરિવારની સાથે સાથે દેશભરમાં તેમના ફેન્સ તેમના જલ્દી ઘરે પાછા ફરવાની પ્રાર્થના કરી રહ્યા છે. રાજૂ શ્રીવાસ્તવનાં પરિવારનું કહેવું છે કે તેઓ એક ફાઇટર છે અને જલ્દી જ તેઓ મૃત્યુને પણ હરાવીને પાછા ફરશે. પરિવારજનોએ લોકોને પ્રાર્થના કરવાની અપીલ કરી છે. 

​​​​​​​

વેન્ટિલેટર પર છે રાજૂ 
આ દરમિયાન, એવા સમાચાર સામે આવી રહ્યા હતાઆ કે રાજૂ શ્રીવાસ્તવને વેન્ટિલેટર પરથી હટાવી દેવામાં આવશે. જોકે,, આ સમાચારોને તેમના ભાઈ દીપૂ શ્રીવાસ્તવે માત્ર અફવા જણાવી છે. રાજૂના ભાઈએ જણાવ્યું હતું કે આ સમાચારોમાં કોઈ જ સત્ય નથી. હાલમાં તેમને વેન્ટિલેટર પર જ રાખવામાં આવ્યા છે. એટલું જ નહીં, તેમણે લોકોને અફવા ન ફેલાવવાની પણ અપીલ કરી હતી . તેમણે કહ્યું કે આ કારણે તેમનું મનોબળ નબળું પડે છે. ડૉક્ટર રાજૂને સારો ઈલાજ આપી રહ્યા છે. તમે તેમના જલ્દી સ્વસ્થ થવાની પ્રાર્થના કરો.