ધરપકડ / વડોદરા હાઈપ્રોફાઈલ દુષ્કર્મ કેસનો ભાગેડુ આરોપી રાજુ ભટ્ટ જૂનાગઢથી ઝડપાયો 

• વડોદરામાં હાઈપ્રોફાઈલ દુષ્કર્મ કેસનો મામલો
• ક્રાઈમ બ્રાન્ચ,જૂનાગઢ પોલીસનું સંયુક્ત ઓપરેશન
• આરોપી રાજુ ભટ્ટની દુષ્કર્મ કેસમાં મહત્વની ભૂમિકા 

રાજ્યભરમાં ચકચાર જગાવનારા વડોદરાના હાઇ પ્રોફાઇલ દુષ્કર્મકેસમાં પોલીસ પીડિતાને વિવિધ સ્થળોએ લઈ જઈને પુરાવા એકત્રિત કરી રહી છે તેમજ આરોપી એવા રાજુ ભટ્ટની પણ શોધખોળ કરી રહી હતી પરતું વડોદરા ક્રાઈમ બ્રાન્ચે અને જૂનાગઢ પોલીસના સંયુક્ત ઓપરેશન થકી આરોપી રાજુ ભટ્ટ જૂનાગઢમાંથી ઝડપી પાડવામાં આવ્યો છે. હાલ પોલીસ પાવાગઢના ટ્રસ્ટી એવા રાજુ ભટ્ટની પૂછપરછ કરી રહી છે.

દુષ્કર્મ કેસનો આરોપી રાજુ ભટ્ટ જૂનાગઢથી ઝડપાયો

આ દરમિયાન પીડિતાએ ફેંકી દીધેલાં કપડાં અને કોન્ડમ પોલીસે કબજે કર્યાં છે. પોલીસ તપાસ દરમિયાન પીડિતા પોલીસને ગ્રાઉન્ડમાં લઈ ગઈ હતી અને પોતે ફેંકી દીધેલાં કપડાં અને કોન્ડમ પોલીસને સોંપ્યાં હતાં, જેને તપાસ અર્થે FSL મોકલવામાં આવશે. આ ઉપરાંત હેલીગ્રીન ફ્લેટ ખાતેથી પણ પોલીસે છોકરીના વાળ અને કોન્ડમનાં પેકેટ જપ્ત કર્યાં હતાં. અહી ઉલ્લેખનિય છે કે પોલીસે અગાઉ પણ રાજુ ભટ્ટને મદદ્ કરનારની પણ ધરપકડ કરી લીધી છે. હાઈપ્રોફાઈલ દુષ્કર્મ કેસમાં બંન્ને આરોપીનો ઝડપી પાડવા માટે પોલીસે 6 ટીમ બનાવી તપાસ કરી રહી છે ત્યારે કેમમાં રાજુ ભટ્ટને ભગાડવામાં મદદ કરનાર આરોપી કાનજી મોકરીયાની ક્રાઈમ બ્રાન્ચે ધરપકડ કરી લીધી છે. 

શું છે રાજુ ભટ્ટની દુષ્કર્મ કેસમાં ભૂમિકા શું?

રાજુ ભટ્ટ પાવાગઢ મંદિર ટ્રસ્ટના પૂર્વ ટ્રસ્ટી છે રાજુ ભટ્ટ પર હરિયાણાની યુવતી પર દુષ્કર્મનો આરોપ લગાવવામાં આવ્યો છે તેના પર વડોદરાની એક યુવતી સાથે દુષ્કર્મની ફરિયાદ નોંધાઈ છે, મહત્વનું છે કે અશોક જૈન અને રાજુ ભટ્ટ વચ્ચે જમીન બાબતે મિટિંગ થઇ હતી અને વાસણા રોડ પરના ગેસ્ટ હાઉસમાં મિટિંગના નામે યુવતીને પણ બોલાવી હતી જેમાં યુવતીએ રાજુ ભટ્ટ અને અશોક જૈને સાથે મિટિંગ કરી હતી પરતું કેફી પીણું પીવડાવી યુવતી પર દુષ્કર્મ આચર્યુ હોવાનો યુવતીએ રાજુ ભટ્ટ પર આરોપ લાગવ્યો છે. એટલું જ નહીં  બળજબરીપૂર્વક યુવતીના ઘરમાં પ્રવેશીનો પણ અશોક જૈન પર આરોપ લાગી રહ્યો છે. રાજુ ભટ્ટે અશોક જૈને રાજુ સાથે પણ સંબંધ બાંધવા દબાણ કર્યુ હોવાનો પોલીસ ફરિયાદમાં ઉલ્લેખ છે.