અભિનેતા રાજપાલ યાદવ પર 20 લાખ રૂપિયાની છેતરપિંડીનો આરોપ લાગ્યો હતો જેમાં હવે ઈન્દોર પોલીસ પણ એક નોટિસ જાહેર કરી છે
અભિનેતા રાજપાલ યાદવ પર 20 લાખ રૂપિયાની છેતરપિંડીનો આરોપ લાગ્યો
બિલ્ડરે દીકરાને કામ અપાવવા માટે આપ્યા હતા રૂપિયા
ઈન્દોર પોલીસની નોટિસ મુજબ 15 દિવસની અંદર પોલીસ સામે હાજર થવું પડશે.
બૉલીવુડમાં ઘણા એવા ઓછા અભિનેતાઓ છે જે સાઈડ રોલ કે કોમિક રોલ નિભાવીને નામ કમાઈ જાય છે અને એવા જ એક અભિનેતા એટલે રાજપાલ યાદવ. એ વર્ષોથી બૉલીવુડમાં ટકી રહ્યા છે અને મહેનતથી એમને પોતાનું નામ બનાવ્યું છે. રાજપાલ યાદવની કોમેડી ટાઈમિંગ અને એક્ટિંગના લોકો દિવાના છે. બોલિવૂડના સારા કલાકારોણી લિસ્ટમાં આજે પણ રાજપાલ યાદવ સારું સ્થાન ધરાવે છે. પણ હાલ રાજપાલ યાદવને લઈને એક ચોંકાવનારી ઘટના સામે આવી છે. અભિનેતા રાજપાલ યાદવ પર 20 લાખ રૂપિયાની છેતરપિંડીનો આરોપ લાગ્યો હતો જેમાં હવે ઈન્દોર પોલીસ પણ એક નોટિસ જાહેર કરી છે. એ નોટિસ મુજબ એમને હવે 15 દિવસની અંદર પોલીસ સામે હાજર થવું પડશે.
20 લાખ રૂપિયાની છેતરપિંડીનો આરોપ
રાજપાલ યાદવ પર બિલ્ડર સુરિન્દર સિંહે આરોપ લગાવ્યા છે કે તેમના દીકરાને ફિલ્મ ઇન્ડસ્ટ્રીમાં સપોર્ટ કરવા માટે અને આગળ વધારવા માટે રાજપાલ યાદવે બિલ્ડર પાસેથી 20 લાખ રૂપિયા લીધા હતા પણ હાલ સુધી રાજપાલ યાદવે તેમના દીકરાને કોઈ કામ નથી અપાવ્યું અને કોઈ પણ પ્રકારની મદદ પણ કરી નથી. આ વાત પર બિલ્ડરે જ્યારે તેના પૈસા પાછા આપવા માટે કહ્યું ત્યારથી રાજપા યાદવ ગાયબ થઈ ગયા છે. બિલ્ડરની ફરિયાદ મુજબ ન તો હવે રાજપાલ યાદવ એમનો ફોન ઉઠાવી રહ્યા છે કે ન તો તેમણે પૈસા પાછા આપી રહ્યા છે. આ વાતને ઘણા દિવસ થઈ ગયા અને કંટાળીને બિલ્ડરે તુકોગંજ પોલીસ સ્ટેશનમાં ફરિયાદ કરી છે.
15 દિવસમાં આપવો પડશે નોટિસનો જવાબ
જો કે આ બાબતે ફરિયાદ આવતાની સાથે જ પોલીસ જાંચ શરૂ કરી દીધી છે અને અભિનેતા રાજપાલ યાદવ સામે એક નોટિસ જાહેર કરી છે જેમાં રાજપાલ યાદવને 15 દિવસની અંદર હાજર થવા માટે અને નોટિસનો જવાબ આપવા માટે કહેવામાં આવ્યું છે. બિલ્ડર સુરિન્દર સિંહે આ ફરિયાદ અઠવાડિયા પહેલા દાખલ કરી હતી અને અઠવાડિયાની અંદર ઈન્દોર પોલીસ દ્વારા જાંચ શરૂ કરીને નોટિસ પાઠવવામાં આવી છે.
આ ફિલ્મોમાં આવ્યા હતા નજર
રાજપાલ યાદવના કામ વિશે વાત કરીએ તો હાલ જ તેઓ ભૂલ ભૂલૈયા 2 માં છોટા પંડિટના કિરદારમાં નજર આવ્યા હતા. આ કિરદારમાં દારેકોને તેઓ ઘણા પસંદ આવ્યા હતા. હાલ એમની આવનારી ફિલ્મ "અર્ધ" જલ્દી જ ઓટીટી પ્લેટફોર્મ પર રિલિજ થવા જઇ રહી છે.