નાપાક હરકત / જમ્મુ-કાશ્મીરના રાજોરીમાં આતંકવાદીઓ અને સુરક્ષાકર્મીઓ વચ્ચે અથડામણ

• રાજોરીમાં આતંકવાદીઓ અને સુરક્ષાકર્મીઓ વચ્ચે અથડામણ
• સુરક્ષાકર્મીઓની સંયુક્ત ટીમે તપાસ અભિયાન ચલાવ્યું
• બે આતંકવાદીઓ સુરક્ષાકર્મીઓની જાળમાં ફસાયા

સુરક્ષાકર્મીઓની સંયુક્ત ટીમે તપાસ અભિયાન ચલાવ્યું

મહત્વનું છે કે, રાજોરી જિલ્લાના બરોટ ગામમાં પહાડી વિસ્તારોમાં રવિવારે સવારે આતંકવાદીઓ આવ્યાં હોવાની સુચના મળી હતી. જેના આધારે સુરક્ષાકર્મીઓની સંયુક્ત ટીમે આ વિસ્તારનો ઘેરાવ કરી તપાસ અભિયાન શરૂ કર્યુ છે. સુરક્ષાકર્મીઓની જાળમાં ફસાતા જોઈને આતંકવાદીઓએ ફાયરિંગ શરૂ કરી હતી. સેનાના જવાનોએ આતંકવાદીઓને આત્મસમર્પણ કરવાની તક આપી હતી. પરંતુ આતંકીઓ સુરક્ષાકર્મીઓ પર ફાયરિંગ કરતા હતા. ત્યારબાદ જવાબમાં ફાયરિંગની સાથે અથડામણ શરૂ થઈ.

Jammu and Kashmir police are conducting a cordon and search operation in Thana Mandi area of Rajouri

(visuals deferred by unspecified time) pic.twitter.com/hXUPK45VhM

— ANI (@ANI) September 12, 2021

વરિષ્ઠ પોલીસ અધિકારીએ ફાયરિંગની કરી પુષ્ટિ

એક વરિષ્ઠ પોલીસ અધિકારીએ પણ આતંકવાદીઓ અને સુરક્ષાકર્મીઓ વચ્ચે ચાલી રહેલા ફાયરિંગની પુષ્ટિ કરી છે. જોકે, તેમાં આતંકવાદીઓની સંખ્યાને લઇને હજી સુધી કોઈ પુષ્ટિ થઈ નથી. પરંતુ સુત્રોનું કહેવુ છે કે બે આતંકવાદીઓ સુરક્ષાકર્મીઓની જાળમાં ફસાયેલા છે.