બોલીવૂડ એક્ટ્રેસ શિલ્પા શેટ્ટીના પતિ રાજ કુન્દ્રાની ધરપકડ કરવામાં આવી છે અને તેના પર આરોપ છે કે તે એડલ્ટ ફિલ્મ બનાવવાનું ગેરકાયદેસર કામ કરતો હતો.
રાજ કુન્દ્રા પર અશ્લીલ ફિલ્મો બનાવવાનો આરોપ
19 જુલાઇના રોજ કરવામાં આવી ધરપકડ
રાજની વૉટ્સઍપ ચૅટ થઇ રહી છે વાયરલ
19 જૂનના રોજ મુંબઇ ક્રાઇમ બ્રાંચે રાજની ધરપકડ કરી અને તે પહેલા તેની લાંબી પૂછપરછ કરવામાં આવી હતી. 23 જુલાઇ સુધી પોલીસ કસ્ટડીમાં મોકલવામાં આવ્યો છે. સાથે જ શિલ્પાની સંડોવણીના પણ એંધાણ મળી રહ્યાં છે.
રાજની વૉટ્સઍપ ચૅટ વાયરલ થઇ હતી અને તેમાં સામે આવ્યું કે તેના ફોનમાં H નામનું એક ગ્રુપ હતું જેમાં તે બિઝનેસની વાતો કરતો હતો. તેના બિઝનેસ પાર્ટનર અને મૉડલ તેમજ એક્ટ્રેસના પેમેન્ટ વિશેની ચર્ચાઓ પણ તે જ ગ્રુપમાં થતી હતી. તેની સાથે તે પ્લાન Bની તૈયારીઓ પણ કરી રહ્યો હતો.
ગયા વર્ષે 18 નવેમ્બરના રોજ રાજ કુન્દ્રાની એપ્લિકેશનને ગૂગલ વોયલેશનના કારણે સસપેન્ડ કરી દેવામાં આવી હતી. રાજ કુન્દ્રાએ પહેલેથી જ પ્લાન B તૈયાર કરી રાખ્યો હતો જેથી એપ્લિકેશન સસપેન્ડ થવા પર તેને કોઇ પણ જાતની સમસ્યા થઇ નહી,
18 નવેમ્બરની ચૅટ
રાજ કુન્દ્રા લખે છે કે, પ્લાન B શરૂ થતા વધારેમાં વધારે 2 થી 3 અઠવાડીયામાં નવી એપ્લિકેશન IOS અને Android પર લાઇવ થઇ જશે. તેના પર હોટશોટ્સના ડિજીટલ માર્કેટિંગ પર્સને કહ્યું કે, જ્યાં સુધી નવી એપ્લિકેશન નથી આવતી ત્યાં સુધી આપણી બધી બોલ્ડ ફિલ્મોને ડીએક્ટિવેટ કરી દઇએ અને પ્લે સ્ટોર પર એપ્લિકેશનને રિસ્ટોર કરવાની અપીલ કરીએ.
એક ચૅટ 10 નવેમ્બરની પણ સામે આવી છે જેમાં એક ન્યૂઝ આર્ટિકલ શૅર કરવામાં આવ્યો છે અને તેમાં ન્યૂઝ હતી કે પોર્ન કન્ટેન્ટ બતાવવાના કારણે 7 OTT પ્લેટફોર્મને સમન આપવામાં આવ્યું છે. તેના પર જવાબ આવ્યો હતો કે, Thank god u planned BF. તેના પર રાજે જવાબ આપ્યો કે બોલ્ડ કન્ટેન્ટને OTT પ્લેટફોર્મથી હટાવી લો અને ઓફીસ પહોંચીને વાત કરીએ.