ફિલ્મ 'બરેલી કી બરફી'નો રાજકુમાર રાવ બન્યો 'ન્યૂટન' જુઓ ટ્રેલર

તાજેતરમાં ફિલ્મ 'બરેલી કી બરફી'માં પ્રીતમ વિદ્રોહીનું પાત્ર ભજવીને દર્શકોમાં વાહવાહી લૂંટી ચૂકેલા રાજકુમાર રાવની નવી ફિલ્મ 'ન્યૂટન'નું ટ્રેલર રીલિઝ કરવામાં આવ્યું છે. જો તમે વિચારી રહ્યાં છો કે આ ફિલ્મ ગ્રેટ સર આઇઝેક ન્યૂટનના જીવન પર આધારિત છે તો પછી તમે ખોટુ વિચારી રહ્યા છો કારણ કે આ ન્યૂટન થોડો અલગ છે.વાસ્તવમાં આ ફિલ્મમાં રાજકુમાર રાવનું નામ ન્યૂટન છે અને આને કંઇક અલગ રીતે દર્શાવવામાં આવ્યું છે.

અભિનેતા રાજકુમારે આ ફિલ્મ માટે નેતાનો રોલ કરી રહ્યા છે. ન્યૂટનની ફિલ્મની વાર્તા દેશમાં થતા મતદાન વિશે વાત કરે છે. આ ફિલ્મમાં રાજકુમાર રાવ દેશના જંગલ વિસ્તારના લોકોને વોટિંગ અને તેમના અધિકારો અંગે માહિતી આપતો બતાવવામાં આવ્યો છે ત્યાં તેની સાથે ઈલેક્શન ટીમ પણ હોય છે. ત્યાંના લોકો માટે વોટિંગનું કોઈ મહત્ત્વ ન હોવાનો એહસાસ થતાં તે કેવાં પગલાં લે છે તેના પર આ ફિલ્મ આધારિત છે.

ફિલ્મમાં રાજકુમાર રાવ અભિનેતા રઘુવીર યાદવ પંકજ ત્રિપાઠી અને સંજય મિશ્રા પણ મુખ્ય ભૂમિકામાં જોવા મળે છે.