આત્મરક્ષણ / દુષ્કર્મ મામલે સરકારને કિશોરીનું આહ્વાન: તમારાથી કાંઈ ન થાય તેમ હોય તો અમને હથિયારના લાયસન્સ આપી દો

• યુવતીઓને હથિયારનું લાયસન્સ માટે રજૂઆત
• કલેકટરને આવેદન અપાયું 
• વધતી દુષ્કર્મની ઘટનાને લઈ માંગ

ગુજરાત સહિત દેશભરમાં બની રહેલી દુષ્કર્મની ઘટનાઓએ એક આંતરિક યુદ્ધ છેડી દીધું છે તેનો એક નમૂનો રાજકોટમાં જોવા મળ્યો હતો જ્યાં યુવતીઓ, કિશોરીઓ અને મહિલાઓ કલેક્ટરને હથિયાર રાખવા માટે લાયસન્સ રાખવા દેવા અંગે આવેદનપત્ર આપ્યું હતુ. 

કલેક્ટરને આપ્યું આવેદન પત્ર

રાજકોટમાં કિશોરીઓથી લઇ મહિલાઓએ આવી ઘટનાઓના વિરોધમાં કલેક્ટરને આવેદનપત્ર પાઠવ્યું છે.  સમગ્ર રાજકોટ શહેરના અલગ અલગ વિસ્તારમાંથી અમે જાગ્રત મહિલાએ ભારતના બંધારણે આપેલા અધિકાર મુજબ બંદૂક, ગન, રિવોલ્વર રાખવાના લાઈસન્સ અમારા સ્વરક્ષણ માટે આપવા માગ કરીએ છે.

અમે અમારું રક્ષણ જાતે જ કરી લઈશું

રાજકોટમાં કલેક્ટરને આવેદન આપવા આવેલી એક કિશોરીએ કહ્યું હતું કે,”ભારત સરકારથી કંઈ ન થાય તેમ હોય તો અમને કહી દો અને અમે અમારું રક્ષણ જાતે જ કરી લઈશું”. આવેદનપત્ર આપતી વખતે મોટી સંખ્યામાં મહિલાઓ અને કિશોરીઓ કલેક્ટર કચેરીએ ઉપસ્થિત રહી હતી અને હથિયારનાં લાયસન્સ આપવા રજૂઆત કરી હતી.

જો અમારી પાસે હથિયાર હોય તો

રાજકોટની મિત્તલ પરમાર નામની યુવતીએ રેપની વધતી ઘટનાને લઈ માંગ કરી હતી કે, તેને હથિયારનું લાયસન્સ સરકાર આપે. સરકાર અમારું રક્ષણ નથી કરી શકતી તો અમે જાતેજ અમારું રક્ષણ કરીશુ. જો અમારી પાસે હથિયાર હોય તો કોઇ અમારી સામે ખરાબ નજરથી જોવે તો તેને ત્યાં જ જવાબ મળી જશે.