રાજકોટ / ચાલુ એક્ટિવા પર હેલ્મેટ વગર ફોન પર વાત કરી મહિલા પોલીસકર્મીએ નિયમનો કર્યો ભંગ!

રાજકોટમાં સામાન્ય લોકો ટ્રાફિકના નિયમનું ઉલ્લંઘન કરે તો ઈ-મેમો આવતો હોય છે. હાલમાં શહેરમાં પોલીસકર્મીઓ જ કાયદાનું ભંગ કરી રહેલા જોવા મળ્યાં છે. શહેરની મહિલા પોલીસકર્મીનો એક વીડિયો સામે આવ્યો છે. ચાલુ એક્ટિવા પર હેલ્મેટ વગર અને ફોન પર આ પોલીસકર્મી વાત કરતા જોવા મળી રહ્યા છે.

આ મહિલા પોલીસકર્મીનો વીડિયો સોશિયલ મીડિયામાં વાયરલ થઈ રહ્યો છે. પોલીસ જ કાયદાનું ભંગ કરે તેને લઈને અનેક સવાલ ઉઠી રહ્યા છે. છેલ્લા 8 મહિનામાં રાજકોટ પોલીસ દ્વારા 5 કરોડ 95 લાખ રૂપિયા વસુલવામાં આવ્યા છે. આમ જ્યારે હવે પોલીસકર્મીઓ જ કાયદાનું ભંગ કરી રહ્યા છે, ત્યારે પોલીસકર્મીને દંડ કોણ ફટકારશે તેને લઈને અનેક સવાલ ઉઠ્યા છે.

રાજ્યમાં કોઇપણ શહેરમાં જ્યારે સામાન્ય લોકો ટ્રાફિકના નિયમનો ભંગ કરે છે ત્યારે હવે ઇ-મેમો ઘરે આવી જાય છે. પણ જો કોઇ પોલીસકર્મી ટ્રાફિકના નિયમનું ઉલ્લંઘન કરે તો તેને દંડને લઇને કાર્યવાહી કોણ કરશે તેવા સવાલ સામાન્ય લોકોના મનમાં ઉઠી રહ્યાં છે.

હાલમાં એક વીડિયો સામે આવ્યો છે જે રાજકોટ શહેરનો હોવાનું સામે આવ્યું છે. જેમાં મહિલા પોલીસ કર્મી એક્ટિવા પર હેલ્મેટ વગર અને ફોન પર વાત કરતા જોવા મળ્યાં હતા. આ પોલીસકર્મીનો વીડિયો સોશિયલ મીડિયામાં વાયરલ થયો છે.

આમ જ્યારે પોલીસ જ કાયદાનું ભંગ કરતા જોવા મળ્યાં છે ત્યારે સામાન્ય લોકોના મનમાં અનેક સવાલ ઉઠી રહ્યાં છે. ઉલ્લેખનીય છે કે રાજકોટ શહેરની વાત કરીએ તો છેલ્લા આઠ મહિનાની અંદર પોલીસ દ્વારા 5 કરોડ 95 લાખ રૂપિયા ટ્રાફિકના નિયમનું ઉલ્લંઘન કરવા પર વસુલવામાં આવ્યાં છે.

ત્યારે ટ્રાફિક નિયમના ભંગને લઇને સામાન્ય પ્રજાના ઘરે જ્યારે ઇ-મેમો આવી જાય છે ત્યારે પોલીસકર્મી દ્વારા ટ્રાફિક નિયમના ઉલ્લંઘન કરનારાઓને રસ્તા પર રોકીને દંડ ક્યારે કરવામાં આવશે તે જોવાનું રહ્યું.