રાજકોટમાં ચારિત્ર્ય પર શંકા રાખીને મારપીટ કરતા પતિ સાથે યુવતીએ છુટાછેડા લઇ લીધા હતા. છુટાછેડા બાદ પણ પૂર્વ પતિ હેરાન કરતો હોવાનો કિસ્સો સામે આવ્યો છે.
રાજકોટની યુવતીએ સોશિયલ મીડિયા પર વીડિયો કર્યો વાયરલ
પૂર્વ પતિની હેરાનગતિથી પરેશાન યુવતીએ વીડિયો જાહેર કર્યો
યુવતીએ રડતા રડતા 4 વર્ષના પુત્ર સાથે વીડિયો કર્યો વાયરલ
ગુજરાતમાં ઘરકંકાસ, શારીરિક-માનસિક અત્યાચાર, પારિવારીક ઝઘડા, આડા સંબંધોની ઘટના અને છુટાછેડા બાદ વિવાદની ઘટનાઓ સામે આવતી રહે છે. ત્યારે રાજકોટમાં પૂર્વ પતિની હેરાનગતિથી પરેશાન એક યુવતીએ સોશિયલ મીડિયા પર એક વીડિયો વાયરલ કર્યો છે. જેમાં યુવતીએ પતિ પર ગંભીર આક્ષેપો લગાવ્યા છે. ડિવોર્સ લીધા બાદ પણ પતિ હેરાન કરે છે, પૂર્વ પતિ સોશિયલ મીડિયામાં બદનામ કરવાની ધમકી આપે છે. આવા આરોપો યુવતીએ લગાવ્યા છે. તો પૂર્વ પતિના ત્રાસથી યુવતીનું જીવવું મુશ્કેલ બન્યું છે અને પીડિત યુવતીએ પોતાનું જીવન બચાવવા મદદ માંગી છે.
તો સોશિયલ મીડિયા પર વીડિયો વાયરલ થતા VTV NEWS સાથે પણ યુવતીએ વાતચીત કરતા પોતાની વ્યથા ઠાલવી હતી. રાજકોટની યુવતિ રડી પડી VTVના લાઈવ ઈન્ટરવ્યૂમાં પણ રડી હડી હતી.