અથડામણ / રાજકોટમાં મોડી રાત્રે જૂથ અથડામણઃ બે યુવકોને ઇજા પહોંચી, પોલીસે સ્થિતિ પર કાબૂ મેળવ્યો

• રાજકોટમાં મોડી રાત્રે જૂથ અથડામણ, બે યુવકોને ઈજા પહોંચી
• ગોંડલ રોડ પરના આંબેડકર નગરમાં જૂથ અથડામણ
• માલવિયાનગર પોલીસે સ્થિતિ પર કાબૂ મેળવ્યો

પ્રાપ્ત મળતી વિગત અનુસાર રાજકોટ શહેરના ગોંડલ રોડ પર આવેલા આંબેડકરનગરમાં બે જૂથો વચ્ચે અથડામણ થઇ હતી. જેમાં બે જૂથ વચ્ચે ભારે પથ્થરમારો થયો હતો. 

આ પથ્થરમારામાં બે લોકોને ઇજાઓ પહોંચી હતી. બંને ઇજાગ્રસ્તોને શહેરની સિવિલ હોસ્પિટલમાં સારાવાર માટે લઇ જવામાં આવ્યાં હતા. જો કે પોલીસને ઘટનાની જાણ થતાં ઘટનાસ્થળે પહોંચી ગઇ હતી. પોલીસે સ્થળ પર પહોંચીને સ્થિતિને થાળે પાડી હતી. 

હાલમાં પોલીસ દ્વારા આ વિસ્તારમાં કડક પેટ્રોલિંગ કરવામાં આવી રહ્યું છે. હાલમાં પરિસ્થિતિ નિયંત્રણ હેઠળ હોવાનું જાણવા મળ્યું છે. જો કે હજુ સુધી બે જૂથ વચ્ચે કઇ બાબત પર અથડાણમ થઇ તે અંગે ચોક્કસ કારણ સામે આવ્યું નથી.