રાજકોટમાં સાપર હાઈવે પર આવેલા CNG પંપ પાસે ઘાસ ભરેલા ટ્રકમાં આગ લાગી હતી. ટ્રકમાં આગ લાગતા અફરા-તફરીનો માહોલ સર્જાયો હતો. આ ઘટનામાં ટ્રક સંપૂર્ણ બળીને ખાખ થયુ છે. જો કે સદનસીબે ડ્રાઈવરનો આબાદ બચાવ થયો હતો.
આ ઘટનાની જાણ થતા ફાયરવિભાગના અધિકારીઓ ઘટના સ્થળે દોડી આવ્યા હતા. ફાયર વિભાગે ભારે જહેમત બાદ આગ પર કાબૂ મેળવ્યો હતો. ટ્રકમાં આગ લાગવાનુ કારણ અકબંધ છે. ટ્રકમાં આગ લાગતા કોઈ જનહાની થઈ નથી.
આ ઘટના અંગે મળતી જાણકારી અનુસાર રાજકોટ જિલ્લાના સાપર નજીક આવેલ એક CNG પંપ નજીક ઘાસ ભરેલા ટ્રકમાં અચાનક આગ ભભૂકી ઉઠી હતી. જો કે અચાનક આગ લાગવાની ઘટના બનતા રાહદારીઓમાં ભયનો માહોલ છવાયો છે. કારણ કે આગ લાગવાની ઘટના જે સ્થળે બની તેની નજીક CNG પંપ હોવાથી મોટી હોનારત પણ સર્જાઇ હોત.
જો કે આ ઘટના અંગેની જાણકારી નજીકના ફાયર વિભાગને થતાં ફાયરબ્રિગેડના જવાનોનો કાફલો ઘટના સ્થળે આવી પહોંચ્યો હતો અને આગથી ભભૂકતા ટ્રક પર પાણીનો સતત મારો ચલાવ્યો હતો. પરંતુ આગ એટલી વિકરાળ સ્વરૂપે હતી કે સંપુર્ણ ટ્રક બળીને ખાખ થઇ ગયો હતો. જો કે સદનસીબે આગની આ ઘટનામાં કોઇ જાનહાનિ થવા પામી નહોતી.