રાજકોટના શાપરમાં આવેલી GIDCમાં ખરાબ રસ્તાના કારણે વેપારીઓમાં રોષ જોવા મળ્યો છે. ત્યારે હવે રોષે ભરાયેલા વેપારીઓ વિરોધ નોંધાવ્યો છે. છેલ્લા 3 વર્ષથી રસ્તા ખરાબ હોવાથી તંત્ર દ્વારા કાર્યવાહી ન કરવામાં આવતા વેપારીઓમાં રોષ જોવા મળ્યો છે.
મહત્વનું છે કે શાપર GIDCમાં 250 જેટલી નાની-મોટી ફેટરીઓ આવેલી છે. કરોડોનો ટેક્સ ભરવા સામે સુવિધા ન મળતી હોવાના વેપારીઓએ આક્ષેપ કર્યા છે. આ મામલે રજૂઆત કર્યા બાદ પણ તંત્ર દ્વારા કોઈ કાર્યવાહી ન કરી હોવાના વેપારીઓએ આક્ષેપ કર્યા છે.
આ બનાવ અંગે મળતી વિગત અનુસાર રાજકોટ નજીક શાપર ખાતે આવેલ GIDCમાં છેલ્લા કેટલાય સમયગાળાથી રસ્તા ખુબ ખરાબ હાલતમાં છે. આ મામલે સ્થાનિક વેપારીઓએ તંત્રને વારંવાર રજૂઆતો કરી તેમ છતાં તેમના પ્રશ્નનો ઉકેલ નહીં આવતા આજરોજ વેપારીઓએ તંત્ર સામે બાંયો ચઢાવી હતી.
શાપર ખાતે આવેલ GIDCના તમામ વેપારીઓએ આજરોજ રેલી યોજીને વિરોધ કરવામાં આવ્યો હતો. વેપારીઓી વારંવાર રજૂઆત છતાં કુંભકરણની નિદ્રામાં પોઢી રહેલ તંત્રને જગાડવા વેપારીઓએ વિરોધ કર્યો હતો.
4 કિલોમીટરના વિસ્તારની ચોમાસામાં કફોડી સ્થિતિ થતી હોવાથી આજરોજ વેપારીઓ રસ્તા પર આવી ગયા હતા અને રાજ્યના મુખ્યપ્રધાન સ્થાનિક કલેક્ટર ધારાસભ્ય તમામને લેખિતમાં અરજી કરી હતી. જો કે આવનારો સમય જ જણાવશે કે રાજ્યના મુખ્યપ્રધાનના ગામ રાજકોટના વેપારીઓની માગણી સંતોષાય છે કે નહીં.