રાજકોટમાં અસામાજીક તત્વોનો ત્રાસ વધ્યો છે. શહેરના થોરાળા વિસ્તારમાં અસામાજીક તત્વોએ કારમાં તોડફોડ કરી હતી. દિવાળીના દિવસે અસામાજીક તત્વોએ કારમાં તોડફોડ કરી હતી. આ સમગ્ર ઘટના CCTVમાં કેદ થઈ હતી.
ઉલ્લેખનીય છે કે CCTVમાં સ્પષ્ટ દેખાઈ રહ્યું છે કે એક્ટિવા પર આવેલા શખ્સોએ ગાડીમાં તોડફોડ કરી. ગાડીમાં પાઈપ જેવા હથિયારોથી તોડફોડ કરી હતી. ગાડીમાં તોડફોડ કરીને બન્ને શખ્સો ફરાર થયા હતા. પોલીસે CCTVના આધારે આરોપીઓને ઝડપી પાડવા તપાસ હાથધરી છે.
આપને જણાવી દઇએ કે આ પહેલા પણ આ રીતે મોડી રાતે અથવા વહેલી સવારે કેટલાક અસામાજીક તત્વો દ્વારા કારના કાચ તોડવાની ઘટના પ્રકાશમાં આવી છે ત્યારે આજે ફરીવાર દિવાળીના દિવસે જ કેટલાક વાહનોમાં તોડફોડની ઘટના બનતા સ્થાનિક લોકો દ્વારા પોલીસ પેટ્રોલિંગ વધારવાની માગ કરી હતી. આ સાથે આ પ્રકારની પ્રવૃત્તિ કરતા લોકોને ઝડપી લઇ તેમની સામે કાયદેસરની કાર્યવાહી કરવાની પણ રજૂઆત ઉચ્ચ પોલીસ અધિકારી સમક્ષ કરી હતી.